၁၉၆၇ ဩဂုတ်လ ၈ရက်နေ့မှာ စထောင်ခဲ့တဲ့ အာဆီယံအဖွဲ့ အထိမ်းအမှတ် တံဆိပ်ခေါင်း ထုတ်တယ်။ ခေါင်းစဥ်က ဗဟိုစာတိုက်ကြီးပုံနဲ့ ဖြစ်မယ်။ အခြားနိုင်ငံတွေလည်း ထုတ်တာတွေ့တယ်။ ၂၀၀ကျပ်တန်ပါ။ FDCလည်း ထုတ်တယ်။ ၄၀၀ကျပ်ပါ။
.
တံဆိပ်ခေါင်းပေါ်မှာ မူရင်းဓာတ်ပုံက ''ဗဟိုစာတိုက်ကြီး'' ဆိုတဲ့ စာသားကလွဲလို့ မြန်မာလို မပါပါ။ လောလောဆယ် ရှာကြည့်တာ ဗီယက်နမ်နဲ့ ထိုင်းမှာ သူတို့ဘာသာနဲ့ နိုင်ငံနာမည် ပါတာတွေ့တယ်။ နောက်ပိုင်း မြန်မာတံဆိပ်ခေါင်းတွေမှာ နိုင်ငံအမည် မြန်မာလိုမပါတာ သတိထားမိတယ်။
.
စာတိုက်ကြီးဆိုတာနဲ့ ရှေ့တည့်တည့်က ပုံကြီးသုံးတာ အနုပညာမဆန်လို့ ထင်မိတယ်။ နဂိုရ်အဆောက်အဦးကလည်း ပုံမလာတဲ့အထဲ။ ဗီယက်နမ်ရော ထိုင်းပါ ပန်းချီနဲ့ ရောသုံးတယ်။ စင်ကာပူက စာတိုက်အတွင်းပုံပါ ခေတ်ဆန်ဆန် တွဲသုံးတာ တွေ့ရတယ်။ အာဆီယံ ၁၁နိုင်ငံက တံဆိပ်ခေါင်းတွေ ယှဥ်ပြထားရင် အရိုးဆုံးတံဆိပ်ခေါင်း ဖြစ်နေမှာဘဲ။
.
ကြုံလို့ စဥ်းစားကြည့်တာပါ။ စာတိုက်ပုံနဲ့ တံဆိပ်ခေါင်းထုတ်ရင်ပေါ့။ ဟိုးအင်္ဂလိပ်ခေတ် မီးလောင်သွားတဲ့ ပထမစာတိုက်ကြီးပုံနဲ့ ထုတ်နိုင်တာဘဲ။ အခုခေတ် ရှိသေးတာဆို ပုဇွန်တောင်စာတိုက်တို့၊ ကြည့်မြင်တိုင် စာတိုက်တို့ပုံတွေ ပန်းချီနဲ့ရောပြီး သုံးရင်လှမှာပါ။
No comments:
Post a Comment
Thank you.