ငှက်လက်မမြီးရှည်ညို တံဆိပ်ခေါင်း၊

 မြန်မာငှက်စီးရီးစ်ရဲ့ ခုနှစ်ခေါင်းမြောက်အဖြစ် ''မြန်မာငှက်လက်မမြီးရှည်ညို'' ပုံနဲ့  တံဆိပ်ခေါင်း ထွက်တယ်။ ငှက်ရဲ့ အင်္ဂလိပ်လို အမည်က Burmese Prinia တဲ့။ ဟိုအရင်က တွေ့ထားတဲ့ ငှက်တွေဆိုတော့ မူလအမည် Burmese ဘဲ သုံးရတယ်။ Myanmar လုပ်လို့ မရ။

.

တံဆိပ်ခေါင်းက ၂၀၀ ကျပ်တန်ပါ။ FDC နဲ့ အထိမ်းအမှတ်စာစောင်လည်း ထုတ်တယ်။ တခု ၄၀၀ ကျပ်စီ။ ဒီနေ့ ရန်ကုန် စာတိုက်ကြီးကို နာရီဝက်လောက် နောက်ကျရောက်ပေမယ့် FDC ဝယ်လို့ရသေးတယ်။ ပြည်ထောင်စုနေ့က ရှေ့က လေးငါးယောက် ရောင်းအပြီး ကုန်ပြီလုပ်တာ။

.

ဖေ့ဘုတ်က Myanmar Post မှာ တံဆိပ်ခေါင်း ထွက်မယ့်အကြောင်း ကြေညာတော့ ''ဟာ ဒီတခါ တံဆိပ်ခေါင်းက အရောင်ပိုမွဲသလိုဘဲ'' လို့ ထင်မိတယ်။ အရင်ပုံတွေထက် ပိုမွဲခြောက်သလိုဘဲလို့။ ဒါပေမယ့် တံဆိပ်ခေါင်းမြင်လိုက်တော့ ပိုပို မွဲခြောက်သွားပါတယ်။ ပုံမှာ ယှဥ်ကြည့်နိုင်ပါတယ်။