ရုရှမှာရုရှမှာ ကျင်းပတဲ့ အပြည်ပြည်ဆိုင်ရာ ကျားကောင်ရေတည်တံ့ရေးဖိုရမ် အထိမ်းအမှတ်အဖြစ် တံဆိပ်ခေါင်းထုတ်တယ်။ ဒီလိုခေါင်းစဥ်အောက်မှာထုတ်တာ ပထမဆုံးအကြိမ်ဘဲ ဖြစ်လိမ့်မယ်။ ကျားပုံနဲ့ ခေါင်းထုတ်တာလည်း မြန်မာပြည်အတွက် ပထမဆုံးဖြစ်မယ်။ အရင်က တိရစ္ဆာန်ပုံဆို အစဥ်သုံး ငှက်ဘဲတွေ့ခဲ့ဘူးတယ်။
.
၂၀၀ကျပ်တန် သုံးခေါင်းပါ။ နိုင်ငံအမည်ကို မြန်မာလိုမပါပါ။ ၂၀၀ကျပ်ဆိုတာတောင် တခေါင်းမှာဘဲပါတယ်။ ကျန်တာအားလုံး အင်္ဂလိပ်လိုကြီးဘဲ။ တော်တော် ဗိုလ်ဆန်တယ်ပြောရမယ်။ ကြည့်ရတာ မူလပုံတွေကို တိုက်ရိုက်ယူသုံးထားပုံဘဲ။ မြန်မာ-ရုရှ ဆိုပေမယ့် ရုရှနောက်ခံ ကရင်မလင်ပုံဘဲပါတယ်။
.
ဒီတခါ FDC ထုတ်တယ်။ သုံးမျိုးတောင်ထုတ်တာ။ FDC က တအိပ် ၄၀၀ကျပ်ပါ။ စာအိပ်အသားရော၊ ဒီဇိုင်းတွေရော ကောင်းတယ်။ နှစ်အိပ်က ဆင်တူနေတော့ သေချာကြည့်ရတယ်။ ကျားဝပ်နေပုံ ဘယ်ညာရွှေ့လိုက်ရင် ကွဲသွားမယ်။ ဒီနေ့စာတိုက်ကြီးမှာ မီးမလာတော့ မှောင်ထဲမှာ တော်တော် ကြည့်ယူရတယ်။ လာတဲ့စုသူတွေကလည်း အသက်ကြီးပိုင်းတွေများတယ်။ လူငယ်နည်းနည်းဘဲ တွေ့တယ်။ လူဟောင်းတွေတောင် တဖြေးဖြေးမတွေ့ရတော့။