ဇီဝလက်နက်ဆိုတာ...

• 
  

ကမ္ဘာဦးအစ လူသားနှစ်ဦးရန်ဖြစ်လျှင် လက်ဗလာသာ ဖိုက်ခဲ့ပါလိမ့်မည်။ တဖြေးဖြေးကြာလာသော် ကျောက်တုံး တုတ်ချောင်းများ သုံးတတ်လာလိမ့်မည်။ တဖြေးဖြေး ဓားလှံများ သုံးတတ်လာသည်။ နောက်သေနတ် အမြောက် စသဖြင့်တိုးတက်လာလိမ့်မည်။

.

၂၀ရါစုထဲတွင် အဝေးသို့လှမ်းပစ်နိုင်သည့် ရော့ကက်များတည်ထွင်လာသည်။ အီလက်ထရွန်းနစ် ကွန်ထရိုးများနိုင်နင်းလာချိန်တွင် လိုရာပစ်မှတ်ကို တမီတာမလွဲ ပစ်နိုင်နေပြီဟုဆိုကြသည်။ ယင်းရော့ကက်ထိပ်ဖူးတွင် အနုမြူဗုံးထည့်သွင်းနိုင်လာတော့ အနုမြူလက်နက် ခေတ်စားလာတော့သည်။

.

နောက်ဆုံး နှစ်ဆယ်ရာစုနှောင်းပိုင်းမှာ လက်နက်သစ်ဟုခေါ်နိုင်မလား မသိ။ ဇီဝလက်နက်ဆိုတာ ကြားဘူးလာသည်။ အရင်လက်နက်တွေလို ရုပ်ဝတ္ထုအထင်အရှား မြင်တွေ့ဖို့မလွယ်။ သို့သော် သက်ရောက်မှုကြီးမားသဖြင့် မသုံးကြရန်တားမြစ်နေရသည်။ ဒီလိုတွေစကြားရတော့ ဖြစ်နိုင်ပါ့မလားပေါ့။ 

.

ယခု ဝူဟန်မှစတွေ့သည့် ကိုဗစ်နိုင်တိန်းဗိုင်းရပ်စ်အစွမ်းကိုမြင်မှ လက်ခံရတော့သည်။ ဤလက်နက်သည် ပစ်သံလည်း မကြားရ။ ထိရောက်မှုက များလှသည်။ ကိုဗစ်သည် တမင်သက်သက် တိုက်ခိုက်တာ မဟုတ်သေး။ အကြောင်းတခုခုကြောင့်သော်၎င်း၊ သဘာဝအလျောက်သာ၎င်း ပြန့်နှံ့တာသာ ဖြစ်သေးသည်။ တမင်စစ်ဆင်ရေးသဘောဖြင့် ရည်ရွယ်ချက်ရှိရှိသာ ပြန့်နှံ့အောင်လုပ်ပါက ထိမ်းဖို့မလွယ်နိုင်။ ဘယ်အချိန်က စဖြန့်သွားလည်း မသိနိုင်။ ဘယ်သူက တိုက်သွားမှန်းလည်း မသိနိုင်။ ဘယ်လောက်ပြန့်မလည်း မသိနိုင်။ လူသေကြေသည်သာမက ရေရှည်မှာ စီးပွားရေးပါထိခိုက်နိုင်သော တိုက်ခိုက်မှုမျိုးဖြစ်သည်။ အသံတိတ်စစ်ပွဲပါပေ။

.

တချို့ နိုင်ငံကြီးများက လိုအပ်လျှင်တိုက်ခိုက်နိုင်ရန် ဗိုင်းရပ်စ်များ ဓာတ်ခွဲခန်းများတွင် မွေးထားသည်ဆိုသည်။ ကုသရန်ဆေးလည်း ရှာထားမည်ထင်သည်။ ဒါတောင် ဗိုင်းရပ်စ်အသစ်ပေါ်လျှင် ဒုက္ခကြီးကြီးတွေနိုင်သဖြင့် လုံးဝမလုပ်သင့်သည့်အလုပ်ဟု ထင်မိသည်။ အနုမြူလက်နက်နှင့်အတူ ဇီဝလက်နက်အားလုံး စွန့်လွှတ်သင့်သည်ဟုပါ ထင်မိပါကြောင်း။ 

ကွီးဖြိုး ပြုံးနေလောက်ပြီ။

• 
  
• 
• 
  
•    ယနေ့ ရန်ကုန်တိုင်းလွှတ်တော် အရေးပေါ်အစည်းအဝေး ကျင်းပသည်။ အကြောင်းက ရန်ကုန်တိုင်းဝန်ကြီးချုပ်အပေါ် အယုံအကြည်မရှိအဆိုကို ဖွတ်အမတ်နှင့်တပ် ပေါင်းတင်သောကြောင့်ဖြစ်သည်။ သို့သော် အစည်းအဝေးတွင် ဘာဆုံးဖြတ်မည်ဖြစ်စေ လူထု၏စိတ်ဝင်စားမှုက ကျသွားပြီဖြစ်သည်။
• .
• ၂၀၁၆ NLDအစိုးရတက်လာပြီးနောက် မကြာမီပင် တတိုင်းပြည်လုံး စိတ်အဝင်စားခံရဆုံးသူက အမေစုပြီးလျင် ကွီးဖြိုးဖြစ်လာသည်။ အသက်ငယ်ငယ်နှင့် ရန်ကုန်လိုနေရာမှာ ဝန်ကြီးချုပ်တာဝန် အပေးခံရသဖြင့် မျက်စိဒေါက်ထောက် အကြည့်ခံရပြီ။ ဘာအစွမ်းတွေ ရှိလို့များလည်း။
• .
• ကွီးကလည်း အစွမ်းပြပါသည်။ တက်တဲ့နှစ်မှာပင် ရန်ကုန်သင်္ကြန်ကို ပုံစံပြောင်းလိုက်သည်။ တဆက်ထဲမှာပင် အထပ်မြှင့်၊ မဘသ၊ မထသ နှင့် ကာချုပ်ရဲ့ နေရာမှန်ပြောလိုက်သဖြင့် မလိုသူတွေ၏ တားဂက်ဖြစ်လာတော့သည်။ အမေစုကို မယှဥ်နိုင်ကြတော့ ယှဥ်စရာရှာကြတာထင်သည်။
• .
• ဒီကြားထဲ ဘယ်သူက စပင့်လိုက်သည်မသိ။ ကွီးဖြိုးသည် နောင်တချိန် အမေစုလွန်ခေတ်တွင် NLDပါတီ ခေါင်းဆောင်ဖြစ်လာမည့်သူဟူ၏။ တဖက်အဖွဲ့သားများ ကွီးဖြိုးအပေါ် အမုန်းစု၍ အပစ်ရှာလေကြကုန်တော့သည်။
• .
• ကွီးဖြိုးသည် မြန်မာနိုင်ငံ၏ အဓိကတိုင်းရန်ကုန်တွင် အတိုက်အခံများကြားမှာ အလုပ်လုပ်ရတာဖြစ်လို့ မလွယ်လှ။ မိမိပါတီ NLDထဲမှပင် အပစ်ရှာသူတွေ ပေါ်ထွက်လာသည်။ ရန်ကုန်ဝန်ကြီးချုပ်၏ အဓိကဒေါက်တိုင်ဖြစ်ရမည့် ရန်ကုန်မြို့တော်ဝန်ထံမှလည်း အထောက်အပံ့မရတဲ့အပြင် ပြန်ထိန်းနေရပုံပင်ပေါ်နေသည်။ 
• .
• သူသည် အတော်ဆုံးလူမဟုတ်တာ လက်ခံပါသည်။ သူလုပ်ခဲ့သမျှ အကောင်းကြီးမဟုတ်တာ သေချာပါသည်။ အဂတိကင်းစွာဖြင့် လုပ်ခဲ့သည်သာ သေချာသည်။ သူက ပညာရှင်ထက် နိုင်ငံရေးသမားပုံ ပိုပေါက်နေသည်။ အပြောရဲသည်။ အလုပ်လုပ်ပြသည်။ ရင်ဆိုင်ဖြေရှင်းနိုင်သည်။ ဘယ်သူတွေ ဘယ်လိုဝေဖန်ဖန် ဆက်သွားနေသည့်သူ။
• .
• သူ့အပေါ် မည်သို့မျှအပစ်ရှာမရတဲ့အဆုံး ဖွတ်တွေက အယုံအကြည်မရှိအဆို တင်တော့သည်။ လွှတ်တော်တွင် မဲခွဲလျှင်ရှုံးမှာသေချာပေမယ့် လာတော့မယ့်ရွေးကောက်ပွဲအတွက် သိက္ခာချသည့် အောက်လုံးထိုးခြင်းဖြစ်သည်။
• .
• သို့သော် ထင်သလိုဖြစ်မလာခဲ့။ မဲခွဲဖို့ လွှတ်တော်ခေါ်ပြီး နောက်ရက်မှာဘဲ ကွီးဖြိုးကအင်တာဗျူးတခုတွင် သူကိုယ်စားလှယ်လောင်းအဖြစ် လျောက်လွှာမတင်တော့ဟု ပြောချလိုက်သည်။ ဝန်ကြီးချုပ်သည် အရွေးချယ်ခံကိုယ်စားလှယ်မှသာလုပ်ရသဖြင့် မလုပ်တော့မည့်သဘော။
• .
• ရန်သူကိုအငိုက်တိုက်ရန် သင်ထားသည့်သူများ ငုတ်တုပ်မိကုန်သည်။ ထို့ကြောင့် ဒီနေ့ လွှတ်တော်အဆုံးအဖြတ်ထက် ကွီးဖြိုးနေရာ ဘယ်သူလာမလဲ။ ကွီးဖြိုးက ဘယ်နေရာရောက်မှာလဲကို ပိုစိတ်ဝင်စားကုန်ပြီ။ ဒုသမတနေရာအထိက ပါတီကသဘောတူလျှင် အေးဆေးလေ။
• .
• ကွီးဖြိုးသာ ရန်ကုန်ဝန်ကြီးချုပ် တကယ်မလုပ်တော့ပါက ဖွတ်တွေ ဘယ်သူ့သိက္ခာချရမလဲ မသိဖြစ်နေလောက်ပြီ။ ၂၀၂၀ ရွေးကောက်ပွဲအပြီး လွှတ်တော်စချိန်အထိ လျှို့ဝှက်ထားနိုင်လျှင် ဖွတ်တွေ ပိုဒုက္ခရောက်နေမည်။ ခုတောင် အလားအလာရှိသည်ဟု ထင်သူတွေမှန်း ရမ်းတုပ်နေကြပြီ။ 
• .
• ဤအကွက်ကို ရည်ရွယ်ချက်ရှိရှိ လုပ်ခဲ့သည်ဆိုလျှင် လှပသော နိုင်ငံရေးကစားကွက်တခုအဖြစ် သတ်မှတ်ရမည်။ ဖွတ်နဲ့ဖွတ်ကျားတွေကို ငုပ်တုပ်မိ အလုပ်ရှုပ်စေခဲ့လို့လေ။

ဒီတခါ ပျံဝံဖွတ်တော်တယ်၊

   ဒီတပတ်ထဲ ကြားရတဲ့ နိုင်ငံရေးသတင်းတခုက ရယ်စရာကောင်းတယ်ဗျ။

.

အရင် သံပဒတ်ကြီးလက်ထက်က အဖာကောင်းသော ပျံဝံက သူ့ဆရာ ကာလိုဇောနဲ့ မီဒီယာတခုမှာပြောလိုက်တယ်။ ဖေ့ဘုတ်တွင်မြင်စဥ်က မယုံမိ။ အသံဖိုင်ကြားရမှ တအံ့တသြယုံရတော့တယ်။ သူ့ဆရာလက်ထက် ဖွတ်ဝန်ကြီးချုပ်တွေ တိုင်းရန်ပုံငွေဆိုပြီး ဘတ်ခဲ့တာ ဒင်းတို့တာဝန်သာဖြစ်ကြောင်း၊ တိုင်းတိုးတက်ရေးလုပ်ဆောင်ဖို့ ရန်ပုံငွေကောက်ခဲ့တာဖြစ်လို့ ကိုယ်ပိုင်ယူ၍မရကြောင်း၊ နောက်တက်တဲ့တိုင်းအစိုးရကို လွှဲခဲ့ရမှာသာဖြစ်ကြောင်း၊ ဒီကိစ္စ သူ့ဆရာနဲ့ လုံးဝမဆိုင်ကြောင်း စသဖြင့်ပြောချလိုက်ရောဗျ။

.

မကြာခင် လာတော့မယ် ရွေးကောက်ပွဲအတွက် ကိုယ်စားလှယ်လောင်းရွေးနေချိန် နှာနုဖြတ်ရိုက်ခံရသလို ဘာသံမှကို ထွက်မလာတော့ဘူးဗျာ။ မဟုတ်ကြောင်း မမှန်ကြောင်း သတင်းစာရှင်းပွဲလေးတောင် ကြားမိပါ။ ပျံဝံပြောတဲ့အထဲပါသေးတာက လက်ရှိအစိုးရက သေချာစစ်ပြီး အရေးယူသင့်တာတဲ့ဗျ။ သူတို့ချင်း ဘယ်သူဘယ်လောက်ဘတ်တယ် သေချာသိထားမှာဘဲ။

.

 ပြည်နယ်နဲ့တိုင်း ဝန်ကြီးချုပ်လုပ်သူတွေ အသံထွက်လည်း မဆဲရဲ။ ဒီတခေါက်ရွေးကောက်ပွဲမှာ သူတို့ကိုယ်တိုင် မပါကြတော့မှာ သေချာပေမယ့် ရွေးပေးမယ့်သူတွေက သူတို့လူယုံ သူတို့တပည့်ရင်းတွေဖြစ်မှာ သေချာတယ်။ ခုတော့ ဘယ်လိုဆက်လုပ်ရမလဲ။ ဒေသခံတွေက ဘယ်သူတွေက ဖွတ်တပည့်ရင်းတွေဆိုတာ သေချာသိပြီးသားတွေလေ။ သူတို့ဆရာ ဝန်ကြီးချုပ်ဟောင်းတွေအရှိန်နဲ့ ဖိခြောက်မဲပေးခိုင်းမလို့ဟာကို။ ဖွတ်ဝံကြီးဟောင်းက သူတို့ဆရာတွေ ဘတ်ထားတာတွေရှိတယ်လို့ ဖွင့်ချလိုက်တော့ အသံတိတ်ဘဲ ဆဲနေကြမှာ အသေအချာပါဘဲဗျာ။ 

.

ဘာဘဲဖြစ်ဖြစ် ဒီတခါ ပျံဝံဖွတ် တော်တယ်။

ဝူဟန်ကိုဗစ် ဇွန်၁၃

ဝူဟန်ကိုဗစ် ဇွန် ၁၃၊

.

အမေရိကန်ဆန္ဒပြပွဲများ ငြိမ်သွားချ်န် ကိုဗစ်သတင်းတွေ ပြန်တက်လာပါပြီ။ အပြန့်ဆုံးဒေသတွေကတော့ တောင်နဲ့မြောက်အမေရိကတိုက်များဘဲ ဖြစ်တယ်။ နောက်ဆိုးတာက တောင်အာရှ။

.

#ဝူနာ ကမ္ဘာမှာ ၇၇သိန်း၃သောင်း ကျော်ပြီ။ တရက်ထဲ တသိန်းလေးသောင်းလောက်တိုးတယ်။ အများဆုံးဝူတဲ့ အမေရိကားနဲ့ ဘရာဇီး နှစ်နိုင်ငံပေါင်း ငါးသောင်းကျော်တိုးတယ်။ အန္ဒိယက တသောင်းကျော်။ ဇယားမှာကြည့်ရင် ဝူနာစာရင်းက တိုးနေဆဲပါ။ 

.

ကံကောင်းတာက ဒုတိယဇယားမှာကြည့်ရင် သေနှုန်းက လိုက်မတက်ဘူး။ ရောဂါခံနိုင်လာတဲ့ သဘောများလား။ သေသူပေါင်း လေးသိန်းသုံးသောင်းလောက်ရှိတယ်။ ဝူဒုအများဆုံး ဘရာဇီးက သေစာရင်းမှာလည်း ဒုရောက်သွားပြီ။ သေသူ လေးသောင်းကျော်။

.

အန္ဒိယက ဝူနှုန်းတက်နေပြီး သုံးသိန်းကျော်ပြီ။ ဒါပေမယ့်သေသူတော့ ကိုးထောင်ကျော်ဘဲ။ ကုလားတွေက ကိုယ်ခံစွမ်းကောင်းဟန်တူရဲ့။ ဘကုန်းလည်း ရှစ်သောင်းတထောင်ကျော်ပြီ။ ဒီညနေလောက် တရုပ်ကို ကျော်တက်လိမ့်မယ်။ ရုရှက ငါးသိန်းကျော်ပြီ။

.

အာဖရိကက ဘူရွန်ဒီသမတကွယ်လွန်တာ ဝူကြောင့်လို့ ပြောနေတယ်။ မှန်ရင်ပထမဆုံး နိုင်ငံခေါင်းဆောင်ဘဲ။ အစိုးရကတော့ နှလုံးဖောက်လို့ပါတဲ့။

.

ယူအက်စ်မှာ ၂၁ပြည်နယ် ဝူတက်နေဆဲ။ စီးပွားရေးတွေတော့ ပြန်ဖွင့်ကုန်ပြီ။ ဆန္ဒပြတဲ့ဆယ်ရက်လောက် ဝူစည်းတွေဖောက်ခဲ့ကြတော့ မကြာခင်အတွင်း ဝူနှုန်းတက်မယ်ထင်တယ်။

.

အန္ဒိယပြည်နယ်အချို့မှာ လော့ဒေါင်းပြန်လုပ်ခိုင်း​ေနတယ်။ ဆရာဝန်အချို့ပါ ဆန္ဒပြရတဲ့အထိဘဲ။ ပြန်ဖွင့်ပြီးရက်ပိုင်းအတွင်း ဝူနှုန်းသိသာစွာ တက်လာလို့တဲ့။

.

တရုပ်က အာဆီယံနိုင်ငံတွေနဲ့ ပေါင်းပြီး ဝူဆေးသုတေသန လုပ်ချင်ပါသတဲ့။ ဝူဆေးဖော်နေသူ တရာကျော်ပြီး သုံးကုမ္ပဏီလောက်ဘဲ ​ရှေ့ရောက်နေပါတယ်။ မြန်မာဘိုးတော်တွေတော့ မသိ။

.

ဂျပန်အစိုးရက စီးပွားရေးနလံထမှာသုံးဖို့ ဒေါ်လာဘီလီယံ ၃၀၀ ဒုအကြိမ်ခွင့်ပြုလိုက်ပြန်ပြီ။ ဗြိတိန်ကလေကြောင်းလိုင်းတွေက အစိုးရရဲ့ လော့ဒေါင်းကို တရားစွဲဖို့လုပ်နေသတဲ့။ နားတော့မလည်ဘူး။ ကြည့်ရတာ နစ်နာကြေးလိုချင်လို့ထင်တယ်။ 

.

ထိုင်းက ညကာဖျူးကို ဇွန်၁၅မှာသိမ်းမယ်။ ထိုင်းရဲ့နာမည်ကျော် ညဘဝတွေပြန်အသက်ဝင်လာမှာပေါ့။ အရေးပေါ်အခြေအနေ ကြေငြာထားတာတော့ ရှိနေအုံးမယ်။ ထိုင်းမှာလေးဦး တွေ့သေးတယ်။ တရုပ်မှာလည်း ၇ဦးတွေ့ပေမယ့် ခြောက်ဦးကပြည်ပပြန်တွေပါ။

.

အော်စီက လူတသောင်းအထိ အားကစားကွင်းမှာ ခွင့်ပြုတော့မယ်။ ေဖာ်မြူလာဝမ်းကားပြိုင်ပွဲရဲ့ စင်ကာပူ ဂျပန်နဲ့ အဇာလိုင်ဂျန်ပွဲစဥ်တွေ ဖျက်တာသေချာသွားပါပြီ။

.

CNN မှာ သုတေသနတွေအရ မတ်စ်တပ်တာ ဝူကူးတာကို အနည်းစေဆုံးဘဲလို့ ပြသွားတယ်။ အီတလီနဲ့ နယူးယောက်မှာ လေ့လာချက်တွေအရ ဝူကူးနှုန်းသိသာစွာ ကျသွားတာကို စာရင်းဇယားနဲ့ပြတယ်။ မတ်စ်တပ်ကြပါအုံး။

.

မြန်မာ့တီဗီသတင်းမှာ မနေ့ညရှစ်နာရီက ဥပဒေကဲ့သို့အာဏာတည်သောအမိန့် ဆိုပြီးခေါင်းစဥ်ကြေငြာသံကြားတော့ လန့်သွားတယ်။ မဆလခေတ်ကဆို ငွေစက္ကူမသုံးရ ကြေငြာလေ့ရှိသကိုး။ အခုက ကုမ္ပဏီတွေအတွက် အခွန်လျော့ပေးဖို့ပါ။ အမှန်အကန်အခွန်ကြေငြာထားရင် သက်သာခွင့်ရမှာဘဲ။ အင်ထားသူတွေ ကိုယ့်ဒေါသနဲ့ကိုယ်ဘဲ။

.

မြန်မာပြည်မှာ ဝူပြန်တွေ့တာ တပတ်ဆက်တိုက်လောက်ရှိပြီ။ အများစုကပြည်ပပြန်တွေနဲ့ အစွန်မြို့တွေမှာဆိုတော့ မြို့တွေကလူတွေ ပေါ့လာကြပြီ။ ရန်ကုန်မှာဆို အရင်လက ၈၀% နှုန်းလောက်မတ်စ်တပ်ကြတယ်။ အခု တဝက်မတပ်ကြတော့။ ဂွတ်လပ်ပါမြန်မာပြည်ကြီး။

.

• ဝူဟန်ဘေးကင်းဝေးကြပါစေ။

ကွီးဖြိုးနဲ့ အယုံအကြည်မရှိအဆို

• 
  
• 
• 
  
• ရန်ကုန်တိုင်းဝန်ကြီးချုပ် ဦးဖြိုးမင်းသိန်းကို ဒီရာထူးခန့်မှသာ စတင်ကြားဘူးခဲ့တာပါ။ သိဖို့ဝေးလို့ အပြင်မှာပင် ခုထိမမြင်ဘူးပါ။ NLDမှ ခန့်အပ်သူတဦး၊ တနည်းအားဖြင့် အမေစုမှ စိတ်ချ၍ ရန်ကုန်လိုနေရာတွင် တာဝန်ပေးသူတဦးအဖြစ် ထောက်ခံခဲ့ပါတယ်။
• .
• ရာထူးရပြီး လပိုင်းအတွင်း ထောက်ခံသူတွေ ကွီးဖြိုးဆိုပြီးဖြစ်လာသလို မလိုသူတွေလည်း များလာပါတယ်။ အပင်မြင့်လို့ လေပိုအတိုက်ခံရတယ်ဆိုပေမယ့် အခြားသူများထက် ပိုအတိုက်ခံရတယ်လိုမြင်ရတယ်။
• .
• သင်္ကြန်ပြဿနာကစလို့ အထပ်မြင့်၊ လက်ပတ်နာရီ၊ မဘသ၊ ရန်ကုန်မြို့သစ်၊ YBS ကစလို့ ကျူးကျော်နေသူတွေအထိပါဘဲ။ ဒီကြားထဲဘယ်သူကစ ချွန်တယ်မသိ၊ ကွီးဖြိုးက အမေစုခေတ်အလွန် NLD ခေါင်းဆောင်လောင်းလို့ ဆိုလိုက်တော့ ဝိုင်းသမကြတာပေါ့။ NLDထဲကသူတွေတောင် ပါကြသေးတယ်။ စစ်တပ်ကာချုပ်သည် အစိုးရဌာနတခုရဲ့ ညွှန်ချုပ်အဆင့်ပါဆိုလိုက်တော့လည်း အစိမ်းအုပ်စုကြီး ပြိုဆင်းလာတာပေါ့။
• .
• ကွီးဖြိုးသည် လူတဦးသာဖြစ်တဲ့အတွက် အားလုံးမမှန်နိုင်ပါဘူး။ ခုလေးနှစ်ကျော်အတွင်း လုပ်ခဲ့သမျှကြည့်ရင် Well above အောင်မှတ်ပါ။ မြန်မာပြည်ရဲ့ အရှုပ်ထွေးဆုံး ရန်ကုန်ကိုအုပ်ချုပ်နေတာပါ။ ဒေသစွဲမရှိကြဘဲ ကွကိုဆရာကြီးတွေလို့ ထင်နေသူတွေကြား အလုပ်လုပ်နေရတာပါ။
• .
• ခုနောက်ဆုံး ရွေးကောက်ခံအမတ်မဟုတ်တဲ့ တပ်ကိုယ်စားလှယ်၊ ဖွတ်ကိုယ်စားလှယ်တွေနဲ့ NLDအမတ်ပြုတ်တွေပေါင်းပြီး ရန်ကုန်လွှတ်တော်မှာ အယုံအကြည်မရှိအဆို တင်သတဲ့။ ဒါ နိုင်ငံရေးသိက္ခာကျအောင်လုပ်တာပါ။ ဦးတီခွန်မြတ်တုံးကလိုဘဲ မအောင်မြင်မှန်းသိရက်နဲ့လုပ်တာ။ နိုင်ငံရေးနားမလည်သူတွေလုပ်တော့ သူတို့နှစ်ယောက်လုံးကို လူတွေပိုထောက်ခံသွားတာ တွေ့ရတယ်။ သိသာတာက ကွီးဖြိုးကို မကြိုက်သူတွေတောင် ဒီလိုလုပ်တာ မကြိုက်ကြတာဘဲ။
• .
• နိုင်ငံရေးသိက္ခာကျအောင်လုပ်တာ ဒီမိုကရေစီနိုင်ငံတိုင်းမှာ ဖြစ်ကြမှာပါ။ မသမာနည်းသုံးကြတာတွေလည်း တွေ့နေရတာဘဲ။ ဒါပေမယ့် နိုင်ငံရေးသမား စစ်စစ်တွေက အရေထူကြတယ်။ တကယ့်အမှားထောက်ပြနေတာတောင် မဆိုင်သလိုပြောနိုင်ကြတယ်။ ကွီးဖြိုးပြောပုံ လုပ်ကိုင်ပုံတွေကြည့်ရတာ နိုင်ငံရေးသမားပုံ ပေါက်နေပါပြီ။ တက္ခနီရှဲန်ထက် ပေါ်လတစ်ရှဲန်ပုံ ပိုပေါက်တယ်။ ကျောင်းသားတွေ ဆန္ဒပြသူတွေကိုဖြေရှင်းတာမှာ အေးဆေးဘဲပြောနိုင်တယ်။ ခုလိုမသေချာဘဲ စွပ်စွဲပစ်တင်တာလောက်တော့ သူအေးဆေးဖြေရှင်းနိုင်မှာဘဲ။
• .
• ထူးတာတခုက အရင်ကသတင်းဖြန့်နေသလို ကွီးဖြိုးလာဘ်စားတယ်လို့ မစွပ်စွဲတော့တာပါဘဲ။ တစ်ပူးသတင်းစာ၊ ထောက်လှန်းရေးနဲ့ ဖွတ်ပါတီတွေသာမက NLDအထဲကပါ ဒီကိစ္စမြေလှန်ရှာနေကြတာပါ။ ဘယ်လိုမှ ရှာမရလို့သာ ရန်ကုန်အစိုးရအလုပ်မဖြစ်ဘူးဆိုပြီး ဖြစ်လာတာ။ ရန်ကုန်လွှတ်တော်မှာ မဲခွဲလို့ ကွီးဖြိုးနိုင်ခဲ့ရင် ပိုပြီးနာမည်ကြီးအောင် လုပ်ပေးတာဘဲ ထင်မိကြောင်းပါဗျာ။ 
• .
• ပြည်သူကရွေးချယ်တင်မြှောက်ထားတဲ့ NLDအစိုးရနဲ့ အမေစုက တာဝန်ပေးထားသ၍ ရန်ကုန်တိုင်းဝန်ကြီးချုပ် ကွီးဖြိုးကို ထောက်ခံအားပေးနေမှာ ဖြစ်ပါကြောင်း။ 

COVID19 နဲ့ အမေရိကန်ဆန္ဒပြပွဲများ

• 
  
• 
• 
• 
  
• မနေ့ညက အမေကြီးကားမှာ အကြီးအကျယ် ဆန္ဒဆက်ပြကြတယ်။ အိမ်ဖြူတော်အနီးအထိ လာဆော်နေကြလို့ ဒေါ်နွယ်ထွမ်းကို မြေအောက်ခန်းကနေ ထုတ်သွားရဟန်တူတယ်။ ခုမနက် ဝါရှင်တန်စံတော်ချိန် မနက်ကိုးနာရီအထိ ဘာသံမှထွက်မလာသေးဘူး။ စဖြစ်ကာစက သူ့အပြောတွေက လေပင့်ပေးသလို ဖြစ်နေပါတယ်။
• .
• တပြည်လုံးဆန္ဒပြချိန်က အမေရိကန်မှာ ကိုဗစ်ဗိုင်းရပ် ပြန့်နေတုံးအချိန်ပါ။ တရုပ်ဗိုင်းရပ်စ်ဘဲခေါ်ခေါ်၊ ဝူဟန်ဗိုင်းရပ်စ်ဘဲခေါ်ခေါ် လူသေစေနိုင်တဲ့ဗိုင်းရပ်စ် လူအများကြားပြန့်နေဆဲပါ။ ဒီဗိုင်းရပ်စ် ပြန့်ပွားပုံကို အသေးစိတ်မသိကြရသေးပေမယ့် လက်ရှိအချိန်ထိသိတာ သုံးမျိုးရှိပါတယ်။
• .
• ၁၊ လူစုလူဝေးကြား မသွားပါနဲ့။ 
• ၂၊ အပြင်ထွက်တိုင်း မတ်စ်တပ်ပါနဲ့
• ၃၊ ဆိုရှယ်ဒစ်စတဲန့် တဦးနဲ့တဦး နှစ်မီတာခွာနေကြပါပါ။ ဒီသုံးချက်ကဘဲ ရောဂါပြန့်နှုန်းကို ထိန်းနိုင်ပါလိမ့်မယ်။
• .
• မနေ့ကသတင်းတွေမှာ ဆန္ဒပြသူအများစုက မလိုက်နာနိုင်ကြတော့ပါ။ တီဗီမှာ ပြည်နယ်အုပ်ချုပ်ရေးမှူးတွေ၊ မြို့တော်ဝန်တွေ၊ ပြည်နယ်ရဲမှူးတွေတောင် မတ်စ်မတပ်တာတွေ တွေ့ရတယ်။ ဆန္ဒပြသူတွေနဲ့ သူတို့ကိုတားရတဲ့ရဲတွေတော့ မပြောနဲ့တော့ပေါ့။
• .
• ချီတက်နေချိန် ရဲနဲ့ထိပ်တိုက်တွေ့နေချိန်တွေမှာလည်း ဘယ်ဆိုရှယ်ဒစ်စတဲန့်နိုင်မှာလည်း။ မတ်စ်မပါဘဲ တယောက်နဲ့တယောက် မျက်နှာချင်းကပ်အော်နေတာတွေလည်း ရှိရဲ့။ ဆန္ဒပြသူနဲ့ရဲ အဆင်ပြေတဲ့နေရာတွေကျ လက်ဆွဲနှုတ်ဆက်ရုံမက အရင်လို ဖက်လှဲတကင်း နှုတ်ဆက်နေကြသေး။
• .
• ဒါတွေကို မြင်တွေ့နေရတဲ့ ဆေးပညာရှင်တွေက လာမဲ့ရက်ပိုင်းအတွင်း  ဝူနာတိုးလာဖို့ အခွင့်အရေး များတယ်လို့ ဗျူးမှာပြောသွားတယ်။ အချို့ပြည်နယ်ဆို ဒီနေ့မှစ လော့ဒေါင်းတွေလျော့ပြီး အလုပ်တွေပြန်စမှာမို့ နားလည်သူတွေ စိုးရိမ်နေကြပြီ။ စိုးရိမ်သင့်ပါတယ်။ အမေရိကန်မှာ ဒ်ိနေ့ ဝူနာပေါင်း ၁၈သိန်း၃သောင်းကျော် ရှိပြီးတော့ သေသူ တသိန်းကို ၆ထောင်ကျော်ပါပြီ။
• .
• တကမ္ဘာလုံးအနေနဲ့ ဝူနာ ၆၃သိန်းကျော်ခဲ့ပြီး သေသူ ၃သိန်း၇သောင်းကျော်တယ်။ ပြန်ကောင်းသူ ၂၈သိန်း၆သောင်းကျော်ပါ။ ဝူနာ ဘရာဇီးမှာ ၅သိန်းကျော်ပြီး ရုရှမှာ ၄သိန်းကျော်ပါ။ အန္ဒိယမှာ နောက်ပိုင်းဝူသူများလာပြီး ၂သိန်းပြည့်ပါတော့မယ်။ ချီလီကလည်း တသိန်းကလပ်သို့ နံပတ်၁၃အဖြစ် မကြာခင်ဝင်ပါတော့မယ်။ ဝူနာတသောင်းကျော်တဲ့နိုင်ငံ ကမ္ဘာပေါ်မှာ ၅၃နိုင်ငံရှိပြီ။
• .
• မြန်မာနိုင်ငံမှာ ၂၂၈ဦးရှိခဲ့တယ်ဆိုပေမယ့် နေကောင်းလို့ပြန်ဆင်းသူတွေ၊ သေဆုံးသူတွေဖယ်ရင် လက်ရှိဝူနာ ၈၄ဦးဘဲရှိတာပါ။ အရမ်းစိုးရိမ်စရာ မလိုတဲ့အခြေအနေပါ။ လက်မှန်မှန်ဆေးပြီး အပြင်သွားရင်တော့ မတ်စ်တပ်ကြပေါ့။
• .
• ဝူဟန်ဘေးကင်းဝေးကြပါစေ။