၂၆ဝါးကပ် ရှုံးထွက်၁၆အဆင့်၊

ကျနော် ပြောလေ့ရှိတယ်။ ဝါးကပ်ပွဲ ကွာတားရောက်ရင် ကြည့်လိုက်။ ယူရိုပွဲမှာ ဘရာဇီးနဲ့ အာဂျင်တီးနား ထည့်ကန်ရုံဘဲလို့။ . ခုလဲ ၁၆ပွဲ အဆင့်အရောက်မှာ အဲ့အတိုင်းနီးပါး ဖြစ်လာပါပြီ။ အာရှနဲ့ ကျွန်းနိုင်ငံများအုပ်စု အကုန်မရှိတော့ပါ။ အာရှက ချာသွားတာ အရှေ့ရော အနောက်ရောပါ။ . အာဖရိကက အီဂျစ်နဲ့ မော်ရိုကိုကျန်တာမှာ မော်ရိုကိုက ကျန်သင့်တဲ့အသင်းဖြစ်ပြီး ဆက်နိုင်ပါသေးတယ်။ (ကျန်တသင်း ဂါနာ စကန်ပါပြီ) . နောက်ပိုင်း ဝါးကပ်တွေမှာ အိမ်ရှင်တွေ နဲနဲစွာလာတတ်ပါတယ်။ အုပ်စုအထက် ရှုံးထွက်အဆင့်အထိ ရောက်လာတတ်တယ်။ ကိုရီးယားတုံးကလိုပေါ့။ ခုလဲ အိမ်ရှင် ၃ နိုင်ငံလုံး ကျန်နေသေးတယ်။ ကွာတားထိ ရောက်မရောက်ကတော့ တပွဲစီဘဲ စောင့်ကြည့်ရတော့မှာပါ။

ဘီး

ဒီနေ့ မြို့ထဲလျောက်ရင်း သတိရလို့ ဒီဘီးလေးဝယ်လိုက်တယ်။ ၅၀၀ ကျပ်တဲ့။ . ဘဝမှာ ဒီဘီးက ဝယ်တာထဲ ပထမဆုံး မဟုတ်တောင် ဒုတိယ တတိယဘဲ။ ငယ်စဥ်က ခေါင်းဖီးလေ့ မရှိ။ လက်နဲ့သပ်ပြီး ကျောင်းသွားတာဘဲ။ အလုပ်ထဲဝင်တဲ့အထိ အိမ်မှာရှိတဲ့ဘီးနဲ့ ဖီးတဲ့အခါ ဖီးပါလိမ့်မယ်၊ သီးသန့် ဝယ်ဘူးတာမမှတ်မိ။ . အလုပ်ထဲ သုံးလေးနှစ်လောက်ကြာတော့ ခရူအတူဆင်းတဲ့ ဘော်ဒါလေးက ''ခင်ဗျားဗျာ၊ အင်ဂျင်နီယာဖြစ်နေပြီ၊ ခေါင်းလေးဘာလေးဖီးပါအုံး'' ဆိုပြီး ဘီးတချောင်း ဝယ်လာပေးလေရဲ့။ လော့ကာထဲထားပြီး သုံးခဲ့တာ အလုပ်က ထွက်တဲ့အထိဘဲ။ . ဒါဆို အိမ်မှာ ဘယ်ဘီးနဲ့ဖီးလည်း မေးစရာရှိတယ်။ အလုပ်ဝင်ပြီး သုံးလေးနှစ်ကစ တနှစ်နှစ်နှစ် တခါလောက် ဟိုတယ်တွေတည်းရတော့ ဟိုတယ်ရေချိုးခန်းထဲ ထားပေးတဲ့ဘီးတွေနဲ့ပါဗျား။ ပြန်ရင်ယူလာပြီး မပျက်မချင်းသုံးတယ်လေ။ . အစောပိုင်းက ဟိုတယ်တံဆိပ်ပါရင် လိုလိုမလိုလို ယူသိမ်းသေးတယ်။ နောက်ပိုင်းကျ ပြည်တွင်းပြည်ပ အတော်များများမှာ တံဆိပ်မပါတော့ မလိုရင် ယူမနေတော့ပါ။ . ကိုဗစ်နဲ့ကိုငြစ်ကြောင့် ခရီးမသွားဖြစ်တာ သုံးလေးနှစ်ဖြစ်တော့ ဖီးစရာ မရှိဖြစ်သွားတယ်။ ဒါနဲ့ အံဆွဲထဲလျောက်ရှာတော့ ကူမင်းဟိုတယ်တံဆိပ်နဲ့ ဘီးတချောင်းတွေ့တယ်။ ပထမဆုံးအကြိမ် ဖီးလိုက်တာနဲ့ ချွတ်ကနဲကျိုးတော့တာဘဲ။ နှစ်သုံးဆယ်ခန့် ရှိပြီကိုး။ ဒါနဲ့ အပြင်အန်ဆွဲထဲက တံဆိပ်မပါတာ ရှာတွေ့တာနဲ့ သုံးနေတာ ဘီးအဆန်လေးတွေ ကျိုးကုန်လို့ အသစ်ဝယ်ဖြစ်သွားတာပါ။ . ပြောချင်တာက ခုမှလာတာ။ ကျော်က စီးပွားရေး စိတ်ပါသူဆိုတော့ စဥ်းစားမိတယ်။ ငါ ပလတ်စတစ်လုပ်ငန်းလုပ်ရင် ဘီးထုတ်လို့မဖြစ်ဘူး။ နှစ်သုံးဆယ်လောက်မှ တချောင်းဘဲ ဝယ်ဖို့လိုတဲ့ဟာမျိုးကြီး။ မဖြစ်ဘူး။ ဒီနေ့ တလက်စတည်း ဝယ်ဖြစ်တဲ့ ဘရပ်ရှ်ကမှ ၁၅၀၀ ကျပ်ပေးလိုက်ရသေး။ ဒီတော့ ထုတ်ချင်းထုတ် ဘရပ်ရှ်ဘဲ ထုတ်မှ။

ဉာဏ်ထပ်တာလား၊

တနေ့က သတင်းတခုကြားတော့ လွန်ခဲ့တဲ့ နှစ်သုံးဆယ်က ကြားဘူးတာတခု သတိရတယ်။ . ၉၀ ပတ်ဝန်းကျင်လောက် ဖြစ်မှာပေါ့၊ နဝတက ကြေညာချက်တခုထုတ်တယ်။ ငွေမဲတွေရဲ့ ၂၅% အခွန်ဆောင်ရင် တရာဖိုး ငွေဖြူအဖြစ် သတ်မှတ်ပေးမယ်တဲ့။ . အသိတယောက် ပြောပြတာ။ သူသိတဲ့ တုပ်တန်းက တုပ်ကြီးတယောက်က ရှိတဲ့ငွေ တော်တော်များများ သွားအခွန်ဆောင်တာတဲ့။ သဘောက တရာရှိရင် ၂၅ဘဲ ဆောင်ရမှာကို ၁၀၀ သွားဆောင်ပစ်တာ။ သဘောက သူ့မှာ ငွေ၄၀၀ ရှိသလိုလို။ နားမလည်လို့မေးတော့ ပြန်ရှာရင် မကြာခင် ရမှာဘဲတဲ့။ နောက်တခေါက် ဒီအခွင့်အရေးမျိုး ရမှာမဟုတ်ဘူးတဲ့။ . ကြားလိုက်တဲ့ခဏ စဥ်းစားမိတာက တုပ်ကြီးရဲ့ အကွက်မြင်မှုနဲ့ ကွကိုယ် ယုံကြည်မှု။ . တနေ့က ကြားလိုက်တဲ့သတင်းက မနက်၄နာရီ ကြေညာတာတဲ့။ ကကတွေက လရကို သိမ်းလိုက်ပြီတဲ့။ သတင်းသိတော့ နေ့ခင်းရောက်ပါပြီ။ တကယ်က အဲဒီအချိန်ထိ နေရာတချို့ဘဲ သိမ်းရသေး။ ဒီတော့ မနက်အစောကဆို ၂၅% တောင် မထင်။ သို့သော်လည်း စိနတုပ်ကြီးက ရပ်ခိုင်းခဲ့ရင် ၁၀၀% သိမ်းပြီးသားပုံဖြစ်အောင် ကြိုကြေညာတာထင်တယ်။ . အကွက်မြင်မှုနဲ့ ကွကိုယ် ယုံကြည်လို့ဖြစ်မှာပေါ့။ ဒီတုပ်ကြီးနှစ်ယောက်ရဲ့လုပ်ကွက် ဆိုင်မလားလို့စ်။

အလွယ်ဆုံး VPN ၊

 

မနေ့ နေ့ခင်းကစလို့ အချို့ဖွဘုတ်သုံးသူတွေ သုံးလို့မရတော့ပါ။ အကြောင်းက ဗီပီအဲန် တွေ မပွင့်တော့လို့ပါ။ အချင်းချင်း မေးကြ၊ စုံစမ်းကြနဲ့ ရှုတ်ရှက်ခတ်ကုန်ပါတယ်။

.

ညပိုင်းကျတော့ အသိတိုးလာကြပါပြီ။ ပွင့်တဲ့သူတွေရှိပြီး သုံးလို့ရနေတုံးတဲ့။ ကိုယ်ယူတဲ့ အင်တာနက်ကုမ္ပဏီအပေါ် မူတည်သလို သုံးတဲ့ ဗီပီအဲန်အပေါ်လည်း မူတည်ပါသတဲ့။

.

ဒါဖြင့် ကိုယ်သုံးလို့ရဖို့ ဘာလိုသလည်း ဆက်စူးစမ်းကြည့်တော့ စကားလုံးတွေ ရှုတ်ထွေးစွာ ကြားရပါတော့တယ်။ အိုင်ပီနံပတ်တွေ၊ တာနယ်တဲ့၊ ဒီအဲန်အက်စ်တဲ့၊ ဆာဗာတဲ့၊ စသဖြင့် နည်းပညာစာလုံးတွေ ကြားရသလို ပြောင်းသုံးရမယ် နံပတ်တွေလည်း မျိုးစုံကြားရတယ်။ အတော်မှတ်မိဖို့ ခက်တဲ့ စာလုံးတွေပါ။ မျိုးစုံများစွာသော ဗီပီအဲန်နာမည်တွေလည်း ကြားရပါတော့တယ်။ 

.

အလွယ်ဆုံးနည်းကတော့ ဂူဂယ်ပလေးကို ဖွင့်ပါ။ ဆာ့ချ်မှာ free vpn လို့ ရိုက်ပြီးရှာကြည့်ပါ။ အများကြီး ထွက်လာပါမယ်။ တခုချင်းသာ ဒေါင်းပြီးသုံးကြည့်ပေတော့။ တခုမဟုတ် တခုနဲ့ အဆင်ပြေသွားလိမ့်မယ်။ ကိုယ်က နည်းပညာစကားလုံးတွေ မကျွမ်းကျင်တဲ့အပြင် ဝယ်ထားတဲ့ ဝိုင်ဖှိုင်ကုမ္ပဏီက ချက်ချင်းပြောင်းဖို့ မလွယ်ဘူးဆိုတော့လေ။ 

google map ပိုကောင်းဖို့၊

 

ဂူဂယ်မက်ပ်က လွဲတာတွေရှိတယ်လို့ ပြောကြတယ်။ တနေ့က ယူတုဘာတယောက် ဂျပန်မှာ လမ်းပိတ်နဲ့တွေ့နေလို့ နောက်ပြန်ကွေ့ရပြီး ဂူဂယ်ကို မေတ္တာပို့နေတာ ကြည့်လိုက်ရသေး။

.

ဟုတ်ပါတယ်။ ဂူဂယ်မှာ လိုအပ်ချက်တွေ အများကြီး ရှိပါတယ်။ ဂူဂယ်က သူ့ထုံးအတိုင်း အသုံးပြုသူတွေစီက ဒေတာတွေစုရင်း သူ့အက်ပ်တွေကို ပိုကောင်းအောင် လုပ်သွားမယ်ထင်တယ်။ ဒီတော့ လိုအပ်ချက်တွေကို ပြင်သွားကြပါ။ Edit map လို့ သူ့အက်ပ်မှာ ပေးထားပါတယ်။

.

ကျော်တင်တာကြည့်သူ အားလုံးပေါင်းနဲ့ ဓာတ်ပုံကိုဘဲကြည့်သူ အမြဲကွာတာ သတိထားမိတယ်။ သိန်းချီကွာတာ တွေ့ပေမယ့် ဘာကြောင့်မှန်း မသိခဲ့ပါ။ မနေ့ကရတဲ့ ဂျီမေးလ်အရ နေရာလွဲပြထားတာကို ပြန်တည့်ပေးလိုက်တာကို ကြည့်သူ သုံးသိန်း ပြည့်ပြီတဲ့။ တကယ်က မမှတ်မိတော့ပါဘူး။ ဒီလို ပြင်ဆင်ချက်တွေကို ကြည့်သူပေါင်းကိုလည်း ထည့်ပေါင်းပေးထားဟန် ရှိပါတယ်။ 

.

ကိုယ်သွားနေကျ နေရာက မပါတဲ့ လမ်းတွေ (အထူးသဖြင့် လူသွားလမ်းကျဥ်းတွေ) ထည့်ခိုင်းတာ သုံးလေးခုတော့ ဖော်ပြပါပြီ။ ကိုယ်တင်တိုင်းလည်း မဖော်ပြပါ။ သူတို့ စိစစ်ပြီးမှ ခွင့်ပြုတာပါ။ အပယ်ခံရတာက ကျော့်အတွက် ပိုများပါတယ်။ စိတ်ပျက်စရာ မရှိပါ။ လူအများသုံးဖို့ ကိုယ်အင်အား အနည်းငယ်ဘဲ သုံးပြီး ကူညီခွင့်ရတယ်ဘဲ သဘောထားပါတယ်။

မန်စီးတီးကို ​ဗိုလ်စွဲစေသူတဦး၊

 အင်္ဂလန်အင်္ဂလန် အဆင့်မြင့်တန်း ဘောလုံးပွဲမှာ မန်စီးတီးအသင်း တနေ့က ပွဲမကန်ရသေးခင် ဗိုလ်စွဲသွားပါတယ်။ အနီးကပ် အာစင်နယ်အသင်း ရှုံးပွဲတွေ့သွားလို့ပါ။ 

.

ဒီနှစ် ပွဲပြီးကာနီး လေးငါးပွဲအလိုအထိ မန်စီးတီး ဇယားထိပ် မရောက်သေးပါ။ အာစင်နယ်အသင်း သရေတွေနဲ့ ခြေချော်လာတော့မှ ကျော်တက်ရတာပါ။ မန်စီးတီး ဗိုလ်စွဲဖို့ လုပ်ပေးသူတွေထဲ အာကြီးလည်း ပါပါတယ်။

.

မန်စီးတီးအသင်း ပိုင်ရှင်တွေ၊ ပရိဿတ်တွေ၊ ကစားသမားတွေနဲ့ နည်းပြဂွါဒီယိုလာတို့ရဲ့ အားထုတ်ကြိုးစားမှုတွေလည်း အဓိကကျပါတယ်။ ဟာလန်းအပြင် အခြားကစားသူတွေ နာမည်တပ်ခြီးမွမ်းရရင်လည်း တသင်းလုံး ပါပါလိမ့်မယ်။

.

မန်စီးတီး ဗိုလ်စွဲဖို့ အရေးပါသူ နောက်တဦးကို နာမည်တပ်ပြောပါဆို စီးတီးကစားသမား အဟောင်း စတာလင်ပါဘဲ။ သူချယ်ဆီးသို့ ပြောင်းသွားလို့သာ မန်စီးတီး ဗိုလ်စွဲတာလို့ အတိအကျ ပြောလိုပါတယ်။ ရှင်းပြပါရစေ။

.

စတာလင် စီးတီးမှာကစားစဥ်က အဓိက ဂိုးသွင်းသူပါ။ ကျနော်ကတော့ ဘောဖြုန်းတာများလို့ မကြိုက်ပါ။ တခါတလေ တကိုယ်ကောင်းဆန်သလိုရှိပေမယ့် တခါတလေ သူ့စီကဘောထွက်လာလို့ အခြားသူတွေ သွင်းနိုင်တာလည်း ရှိပါတယ်။ သူသာရှိနေရင် ပစ်ပယ်လို့ မရပါ။ ပွဲထွက် ပေးကစားရပါမယ်။ အင်္ဂလန် လက်ရွေးစဥ်ကလည်း ဖြစ်နေသေးသကိုး။

.

သူမရှိတော့ အသစ်ခေါ်လိုက်သူ ဟာလန်းကို ပိုသုံးဖြစ်ပါတော့တယ်။ ကျန်တာက သမိုင်းဝင်ခဲ့ပါပြီ။ စံချိန်တင် ဟာလန်းရဲ့ဂိုးများနဲ့ မန်စီးတီး ဗိုလ်စွဲတာလို့ ပြောရပါမယ်။ စတာလင်သာ ရှိနေသေးရင် အလှည့်ကျပွဲထုတ်နေရတာနဲ့ ဟာလန်း ဒီလောက် အခွင့်အရေး ရမယ်မထင်ပါ။ ဒါကြောင့်မလို့ မန်းစီးတီး ဒီနှစ် ပရီမီးယားလိဂ်မှာ ဗိုလ်စွဲအောင် လုပ်ပေးသူတွေထဲ စတာလင်ကို ထိပ်ဆုံးထားသင့်ကြောင်းပါဗျာ။ 

ဆုတောင်း၊

ဗမာလူမျိုးတွေသာ မကပါ။ လူသားအများစုက ဆုတောင်းလေ့ရှိကြတာပါဘဲ။ မိမိ ဖြစ်ချင်တဲ့ဆန္ဒကို လုပ်ပေး ဖြည့်ဆည်းပေးနိုင်မယ် ထင့်တဲ့သူစီ တိုင်တည်ဆုတောင်းလေ့ရှိတာ လူသားအများစု လုပ်လေ့ရှိကြမှာပါ။ ဘုရားတွေ နတ်တွေကအစ ကွယ်လွန်ပြီဖြစ်တဲ့ မိဘဆွေမျိုး အကြီးအကဲ အားကိုးသူတွေကို တိုင်တည်ဆုတောင်းလေ့ ရှိတာ ဟိုးရှေးကတည်းက လုပ်ခဲ့ကြမှာပါ။

.

ဒီခေတ်တော့ ပြောလာကြတယ်။ ဆုတောင်းနေယုံနဲ့ ပြည့်နိုင်မှာလား၊ ဒါဆို ဘာမှမလုပ်ဘဲ ထိုင်ပြီး ဆုဘဲတောင်းနေမှာပေါ့လို့ ပြောလာကြတယ်။ မှန်ပါတယ်။ ဘာမှမလုပ်ဘဲ ဆုတောင်းနေမယ့်အစား တခုခုလုပ်ပြပြီး ဆုတောင်းတာက ပိုအဓိပ္ပယ်ရှိမှာပါ။

.

စဥ်းစားကြည့်တာပါ။ ပိုက်ဆံတောင်းသူတယောက်က ငါ့ကို ပိုက်ဆံပေးပါလို့ တောင်းတာနဲ့ တခုခုလုပ်ပြပြီးတောင်းတာ ဘယ်ဟာက ပိုရနိုင်မလဲ။ အနည်းဆုံး သီချင်းဆိုတောင်းရင် လူပိုသတိထားမိမယ်၊ လူကြိုက်များနေတဲ့ သီချင်းကိုဆိုပြမယ်၊ ဆိုပြတဲ့သီချင်းကို ကြိုက်တဲ့သူရှိရင် ပိုက်ဆံရနိုင်တယ်။ ပိုက်ဆံများများရှိသူ စေတနာရှိသူနဲ့ကြုံရင် များများရနိုင်မှာပေါ့။ ဆိုပြတဲ့ သီချင်းကို ကြိုက်သူမကြုံလို့ မရတဲ့အချိန်မျိုး ဖြစ်နိုင်ပေမယ့် ပိုက်ဆံလိုချင်ရင်တော့ ဆက်ဆိုနေရမှာပါ။

.

ဒီသဘောပါဘဲ။ ဆုတောင်းပြီဆို ဘာမှ မလုပ်ဘဲ ဆုတောင်းနေမယ့်အစား တခုခုလုပ်ပြပြီး တောင်းတာက ပြည့်ဖို့ ပိုနီးစပ်မယ်ထင်တယ်။ ဘုရားကို ကန်တော့ပြီး ဆုတောင်းတာကအစ ပရိတ်ရွတ်မယ်၊ ဂါထာတခုခုရွတ်မယ်၊ ကောင်းမှုတခုခုလုပ်မယ်၊ သစ္စာဆိုမယ် စသဖြင့် လုပ်ပြီးမှ ဆုတောင်းရင် လုပ်တဲ့အပြုအမူကို သဘောကျတဲ့ မမြင်နိုင်တဲ့ ပုဂ္ဂိုလ်တွေက သူတို့ဖြည့်ပေးနိုင်တဲ့ ဆုတောင်းဆို ဖြည့်ပေးနိုင်မယ်လို့ ထင်မိတယ်။

.

ဘယ်သူတွေ ဘယ်လိုပြောနေကြစေ၊ လူသားတွေကတော့ ဆုတောင်းနေမှာပါဘဲ။ ဒီအတိုင်း အလွတ်ဆုတောင်းနေမယ့်အစား တခုခုလုပ်ပြီး ဆုတောင်းကြည့်ကြပါ။ အနိမ့်ဆုံးအနေနဲ့ သစ္စာဆိုပြီးပေါ့။ စမ်းကြည့်ကြရအောင်။

ယူတုမှ ပရိတ်တရားတော်၊

 မြန်မာလို ''ပရိတ်'' ဆိုပြီးဖြစ်စေ၊ အင်္ဂလိပ်လို ''payeik'' ဆိုပြီးဖြစ်စေ ယူတုမှာ ရှာလိုက်တာနဲ့ အစိမ်းရောင်နောက်ခံမှာ ဆရာတော်ကြီးပုံနဲ့ ပရိတ်တရားတွေ တန်းစီထွက်လာပါလိမ့်မယ်။ ပရိတ်ဗီဒီယိုများစွာ တင်ထားကြသလို နာထားသူ(viewer) များစွာရှိတာလည်း တွေ့မှာပါ။ 

.

ရှစ်ဆယ်ခုနှစ်များက မြန်မာပြည်မှာ ပရိတ်နဲ့ပတ်သက်လို့ တန်ခိုးကြီးတယ် ကျော်ဇောခဲ့တဲ့ တောင်တန်းသာသနာပြုဆရာတော် ဦးဥတ္တမသာရရဲ့ ပုံတော်နဲ့ ဆရာတော်ကြီးရွတ်ခဲ့တဲ့ ပရိတ်ကြီး ၁၁သုတ်၊ ဂုဏ်တော်ကွန်ချာနဲ့ ကမ္မဝါတို့ဘဲဖြစ်ပါတယ်။

.

အရင်က ကက်ဆက်ခွေနဲ့ ဖွင့်ခဲ့ကြရတာ။ အင်တာနက်ခေတ်ရောက်မှ ယူတုမှာ တင်ကြတာ။ ပရိတ်တရားများကို ဆရာတော်ကြီးငယ် များစွာရွတ်ခဲ့ကြပေမယ့် တောင်တန်းသာသနာပြု ဆရာတော်ကြီးရွတ်ခဲ့တာကို နှစ်သက်ကြမှန်း သိသာတယ်။ ဆရာတော်ကြီးရွတ်တာကို ဖွင့်ကြသူပေါင်း သန်းချီနေတာသက်သေဘဲ။ 

.

ယူတုဗီဒီယို အများစုက မင်္ဂလာစိန်တေးသံသွင်းက စီစဥ်ခဲ့တဲ့ ကက်ဆက်ခွေကနေ ကူးကြတာ။ အချို့ယူတုဘာတွေဆို ပုံတော်တွေတောင် မပြောင်းဘဲ ကူးတင်နေကြတာ။ ကြည့်သူများတော့ အကျိုးရှိတာပေါ့။

.

ပြဿနာက မူရင်းကက်ဆက်ခွေမှာ အသံအချို့ နှစ်နေရာသုံးနေရာမှာ ကျန်နေတယ်။ ဆရာတော်ကြီး အကြိမ်များစွာ ရွတ်ခဲ့မှာပါ။ ကက်ဆက်ပေါ်နေပြီဆိုတော့ အကြိမ်များစွာ အသံဖမ်းခဲ့ကြမှာပါ။ မြန်မာတွေ ပရိတ်တန်ခိုးကို အပြည့်ရဖို့ကံ မပါတော့ စာကျနေတဲ့ပရိတ်ခွေကိုဘဲ အကြိမ်များစွာ နာရသလိုဖြစ်နေတယ်။

.

ဗီဒီယိုအက်ဒစ်လုပ်တတ်သူများက အမှန်ဖြစ်အောင် ပြန်ပြင်ပေးရင်ကောင်းမယ်။ မြန်မာ့တီဗီက မနက်၆နာရီမှာ လွှင့်လေ့ရှိတဲ့ ပရိတ်တရားမှာ ပြင်ထားပြီးသား လွှင့်ပါတယ်။ အသံ အနည်းငယ်မတူတော့ သိသာပါတယ်။ ဖြတ်ညှပ်ကပ် လုပ်ပေးရမှာပေါ့။ 

.

ပရိတ်ရွတ်ထားတာ ဆရာတော် များစွာရှိပေမယ့် ပရိတ်နဲ့ ရေဆူဆရာတော်လို့အထိ နာမည်တွင်ခဲ့တဲ့ တောင်တန်းသာသနာပြုဆရာတော်ကြီး ဦးဥတ္တမသာရရဲ့ ပရိတ်ကိုမှ နာချင်တဲ့၊ နာလေ့ရှိတဲ့သူတွေအတွက် များစွာစိတ်ချမ်းသာရမှာမလို့ တတ်ကျွမ်းသူများ လုပ်ပေးစေချင်ပါတယ်။

22-2-2022

 oh..... Today is TwosDay.

60

 

ဝူဟန်ကိုဗစ် ဩဂုတ် သုံးဆယ်။

စင်ကာပူက နိုင်ငံကလည်း သေး၊ ပညာတတ်က များ၊ အစိုးရကလည်း ထိထိရောက်ရောက် အုပ်ချုပ်နိုင်တော့ #ဝူဟန်ကိုဗစ် ကာကွယ်ဆေးကို နိုင်ငံလူဦးရေရဲ့ ၈၀% ထိုးပြီးပါပြီတဲ့။ ကမ္ဘာမှာ အများဆုံး ဆေးထိုးပြီးတဲ့ နိုင်ငံပါ။ 

.

ဒါတောင် ဒီနေ့ ဝူ၁၄၇၊ မနေ့က ဝူ ၁၅၅ယောက် အသစ်တွေ့ပါသတဲ့။ ဆေးမထိုးရသေးတဲ့ ၂၀% ထဲကလား၊ ဆေးထိုးပြီးသားထဲကလား သိချင်မိပါတယ်။ စလုံးလို နေရာမှာသာ ဝူမျိုးစိတ်သစ်ထွက်လို့ကတော့ တကမ္ဘာလုံး ပြာမယ်။ ဆေး ပီးနေတဲ့ ဝူဘဲ။ 

.

တကမ္ဘာလုံးအနေနဲ့ကြည့်ရင် #ဝူနာ များနေဆဲဘဲ။ ဝူ ၁၇၃သန်း ကျော်ပြီ။ ပြီးခဲ့တဲ့ အပတ်ကိုကြည့်ရင် တကမ္ဘာလုံး အနေနဲ့ လေးသန်းခွဲ ဝူတိုးတယ်။ အမေရိကားမှာတွင် တသန်းတိုးတယ်။ ဥရောပမှာ ကိုးသိန်းလောက်တိုးတယ်။ ဒီနိုင်ငံတွေမှာ ကောင်းတယ်ဆိုတဲ့ ကာကွယ်ဆေး လူအများစု ထိုးပြီးကြပြီ။ 

.

ဂျပန် ကိုရီးယား အော်ဇီ ဗီယက်နမ် ထိုင်း မလေးရှားတို့မှာလည်း ဝူနေကြတုံးပါ။ အဆိုးကြီးမဖြစ်ကြပေမယ့် စိတ်ချရတဲ့ အခြေအနေ မရကြသေး။ အော်ဇီမှာဆို ခုပုံအတိုင်းဆို အောက်တိုဘာလမှ အမြင့်ဆုံး ဝူမှာတဲ့။

.

မြန်မာပြည်မှာလည်း အဖြစ်နည်းလာပေမယ့် နောက်တကျော့ မဖြစ်ဖို့ အရေးကြီးပါတယ်။ မပေါ့ဆကြပါနဲ့အုံး။ ခု အပြင်ထွက်သူ အတော်များနေတာ သတိထားမိတယ်။ အများစု မတ်စ်တပ်လို့ တော်သေးတယ်။ ကာကွယ်ဆေးတွေ မိမိအစီအစဥ်နဲ့ ထိုးဖို့လုပ်နေကြရပြီ။ ဆေးမှန်နည်းမှန် ဖြစ်ကြကောင်းပါရဲ့။

.

ဝူဟန်ဘေးကင်းဝေးကြပါစေ။ 

သမိုင်းဝင်ဓား၊

 

သမိုင်းဝင် ဓား။

.

ကျနော့အတွက်တော့ သမိုင်းဝင်ပါဘဲ။ သူများဓားတွေလို ယိမ်းနွဲ့ပါးတို့ ဘူရှီဒိုဓားတို့ မခုတ်ဓားတို့ မဟုတ်ရပေါင်ဗျာ။ ကျနော်မမွေးခင်ကတည်းက (ဖြစ်နိုင်) အိမ်မှာသုံးလာတဲ့ ဓားပါ။ 

.

တခါတလေ သတိရပါတယ်။ မသုံးဖြစ်တာကြာပြီဆိုတော့။ ခုခေတ်မှာ မလိုတော့ဘူးလေ။ ဒီဓားက ပေါင်မုန့်လှီးတဲ့ ဓားပါခင်ဗျ။ ဒီနေ့မှ နောက်ဖက်ဝင်ရှင်းရင်း ထွက်လာတာ။ 

.

ငယ်ငယ်ကတည်းက အိမ်မှာ ပေါင့်မုန့်စားကြတယ်။ မှတ်မိတဲ့အရွယ်အရ စက်ဘီးနဲ့ ကုလားကြီးကလာပို့လေ့ ရှိတယ်။ အိမ်အောက်ကနေ အော်လိုက်ရင် ဆင်းယူရတယ်။ ကျနော်နိုးလို့ တခါတလေဆင်းယူရင် ပေါင်မုန့်အသေး ဘန်းမုန့်လေး ပေးတတ်တယ်။ ပူပူနွေးနွေးနဲ့ အိနေတာဘဲ။ တတောင်လောက်ရှိတဲ့ ပေါင်မုန့်ရှည် တနေ့နှစ်လုံးယူတယ်။ လကုန်မှ စုရှင်းတယ်ထင်တာဘဲ။ အဲဒီခေတ်က ပေါင်မုန့်တွေက ဓားနဲ့ဖိလှီးရင် ပြားမသွားဘူး။ 

.

ဦးစိန်ထွန်း ဘောင်ဒရီကျောင်းမှာ မုန့်ဖုတ်ဆရာဖြစ်တော့ သူက ယူလာလေ့ရှိတယ်။ တနေ့ ​ေပါင်မုန့်ရှည်နှစ်လုံး သူကျောင်းပြန်ချိန် ဝင်ပေးသွားတာဘဲ။ ကျနော် ခုနှစ်တန်းလောက်အထိ မုန့်ဖိုး ပုံမှန်မရဘူး။ အဲဒီပေါင်မုန့်ကို ထောပတ်သုတ် သကြားဖြူးပြီး ပလတ်စတစ်အိပ်နဲ့ထည့် လွယ်အိပ်ထဲထိုးထည့် ယူသွားရတာ။ ကျောင်းမုန့်စားချိန်ဆို ပျော့ပြားနေပြီ။ ပလတ်စတစ်အိပ်က ရှားတော့ စားပြီးရင် ထောပတ်တွေပေနေတဲ့အိပ်ကို ပြန်ထည့်လာရသေး။

.

ထောပတ်က မမှတ်မိတဲ့ အချိန်က တူတံဆိပ်ထောပတ် စားလေ့ရှိတယ် ပြောတာဘဲ။ မှတ်မိချိန်မှာတော့ ဘားလမ်းအပေါ်လမ်း အလယ်လောက်မှာရှိတဲ့ မေမြို့ စိန်တံဆိပ်ထောပတ်ဘဲ။ တခါဝယ် ပေါင်တစိတ်အတုံးလေး။ အိမ်ရောက်ရင် ခွက်ထဲထည့် ခလောက်လိုက်ရင် ရေတွေထွက်လာတာ မှတ်မိသေးတယ်။

.

ဓားကို သေချာကြည့်ရင် အသွားမတူတာ တွေ့လိမ့်မယ်။ အခြားနေရာမှာလည်း သုံးမဖြစ်တော့ ခုထိကျန်နေတာ။ ဒီဓားနဲ့ ထောပတ်သုတ်ရင်တော့ မားသားကြီး ဆူခံထိပြီ။ ထောပတ်သုတ်တဲ့ ဓားကသတ်သတ်ဗျ။ ထိပ်လုံးလုံးနဲ့။

.

ခုတော့ လှီးပြီးသားပေါင်မုန့်ခေတ် ဖြစ်သွားပြီ။ ဒီတော့ ဒီဓားက သမိုင်းဝင်ဓား ဖြစ်ပြီပေါ့ဗျာ။

ရန်ကုန်ဆေးရုံသစ်အတွက် မြေနေရာ၊

ရန်ကုန်အတွက် သင့်တော်မည့် ဆေးရုံသစ်ကြီးနေရာ။

.

ကိုဗစ်အတွက် ဆေးရုံယာယီတွေဆောက်ရင်း ကျန်ခဲ့မယ့်ဆေးရုံတရုံဆောက်လိုက်ဖို့ အိုင်ဒီယာပေါ်တယ်။ မြေနေရာရွေးကြတော့ သာကေတာအမှိုက်ပုံကိုနေရာကိုရွေးလို့ ဆူညံနေတယ်။ ပို့စ်တခုဖတ်လိုက်တော့ သနားတောင်သွားပါတယ်။ ရန်ကုန်အစိုးရ စီမံခန့်ခွဲလို့ရတဲ့ အကျယ်ဆုံးမြေနေရာပါတဲ့။ ဘာမှပြောစရာမရှိတော့ပါ။ ဖြစ်နိုင်ပါတယ်။ ကွီးဖြိုး ဓာတ်ဆီဆိုင်YPအတွက် နေရာရှာတာ့ ရှိမှမရှိဘဲ။

.

ရေရှည်အတွက် နိုင်ငံတော်အဆင့်က ရွေးပေးနိုင်ရင် ထောက်ကြန့်လမ်းဆုံကနေ ပဲခူးဘက်အထွက် ညာဘက်ခြမ်းက အကွက်ကြီးရွေးစေချင်တယ်။ ပိုင်ရှင်တော့ ရှိပြီးသားဖြစ်မှာပါ။ နိုင်ငံတော်အနေနဲ့ ပြန်ဝယ်လို့ဖြစ်စေ၊ ပိုင်ရှင်ထံမှ အလှူခံလို့ဖြစ်စေ မြေရအောင်လုပ်ရမှာပါ။

.

လမ်းများအဆုံမှာရှိလို့ အဆင်ပြေမှာပါ။ ရန်ကုန်မြို့ထဲက ဆေးရုံကြီးကို နယ်တွေကလာနေတဲ့ အရေးပေါ်ကားတွေ မနည်းပါ။ ကားကြပ်ကြပ်ထဲဖြတ်နေကြတာ အမြဲတွေ့နေရတာပါ။ ဒီနေရာမှာသာ ဆေးရုံကြီးတရုံရှိရင် အဆင်ပြေမှာပါ။ တဆက်တစပ်ထဲရှိလို့ ဆေးတက္ကသိုလ်နဲ့ အခြားဆက်စပ်တက္ကသိုလ်တွေ ကျောင်းတွေပါ ရမယ်ထင်ပါတယ်။ 

.

အနက်ရောင်မျှားဘက်က လမ်းကိုအသုံးပြုရင် ရွှေပြည်သာဖြတ်ပြီး ဧရာဝတီဘက်ကပါ လာလို့ရပါလိမ့်မယ်။ တခါတည်း အပြီးမဆောက်နိုင်ရင်တောင် မာစတာပလန်ဆွဲထားပြီး တဆောင်ချင်းဆောက်သွားသင့်ပါတယ်။ လက်ရှိ ဘာအဆောက်အဦးမှ မရှိသေးတဲ့ မြေကွက်ကျယ်ကြီးပါ။ တနေရာမှာတော့ အိမ်ယာစီမံကိန်းလုပ်ဖို့ ကာထားတာဘဲ ရှိပါသေးတယ်။

အောင်လံခိုင်ဖို့ မဲပေးစို့

 

မြစ်တစင်းရဲ့အစ

 

ကျနော့်မှာ စိတ်ကူးတခုရှိခဲ့တယ်။ ဖြစ်နိုင် မဖြစ်နိုင်သာ သေချာမသိတာ။ မနေ့ကကြည့်ရတဲ့ ဗီဒီယို လေးပိုင်းအရ ဖြစ်နိုင်သွားပါတယ်။

.

ဧရာဝတီမြစ်ကြီးရဲ့အစ မေခမြစ်ဖျား ရေစစီးတဲ့နေရာ မြင်နိုင်မလားပေါ့။ ဆန်တက်ကြည့်ရင် မြစ်ကနေချောင်း၊ ချောင်းကနေမြောင်း၊ မြောင်းကတဖြေးဖြေးသေးသွားပြီး တကဲ့ရေစစီးတဲ့နေရာ ရှိနိုင်မလားပေါ့။

.

ဖြစ်နိုင်သွားပါတယ်။ မနေ့ကကြည့်ရတဲ့ ဗီဒီယိုမှာ ကမ္ဘာ့အရှည်ဆုံးမြစ် နိုင်းမြစ်ရဲ့အစကို မြေထဲပင်လယ်ကစ လိုက်ကြည့်တာ ကြည့်ရတယ်။ အဖျားဘက်မှာ နိုင်းအပြာနဲ့ နိုင်းအဖြူဆိုပြီး သတ်မှတ်ထားလို့ နှစ်ဖက်လုံး ကြည့်ခဲ့ရပါတယ်။

.

မြေထဲပင်လယ် အလက်ဇန်းဒြီးယားမြို့ကစတယ်။ လေပျံ ရထား ကား ​လှေသင်္ဘော အဆင့်ဆင့်စီးပြီး နောက်ဆုံးခြေလျှင်ကြိတ်ရတာပါ။ နိုင်းမြစ်ကြီးတလျောက် ဒေသတွေ လူနေထိုင်မှုတွေပါ ပြသွားတဲ့ ကောင်းမွန်တဲ့ ခရီးသွားမှတ်တမ်းပါဘဲ။

.

မြစ်တလျောက်ဆန်တက်ရင် ဆူဒန်နိုင်ငံ ခါတွန်မြို့နားမှာ မြစ်နှစ်ခုကွဲပါတယ်။ ရေစီးအတိုင်းဆိုရင်တော့ မြစ်နှစ်စင်းဆုံတာပေါ့။ ရေနှစ်မျိုးရဲ့အရောင်ကလည်း သိသိသာသာကွဲပါတယ်။ အရောင်တွေက အဖြူနဲ့အပြာ မဟုတ်တော့ပါ။ ရွံ့ရောင်ပေါက်နေပါပြီ။ ရေများချိန်ဆို ဆယ်မိုင်လောက်အထိ အရောင်ကွဲပါသတဲ့။

.

မြစ်ပြာဘက်ကို လေပျံနဲ့သွားရတာ။ မြစ်ကျဥ်းပြီး ​လှေသွားမရလို့။ သူက အီသီယိုးပီးယားက အယ်လ်ဘတ်ရေအိုင်ဘက်က စစီးတာ။ အယ်လ်ဘတ်ဆိုတာ မြစ်ဖြူစစီးတဲ့ ဝိတိုရီးယားအိုင် အမည်ပေးတဲ့ဘုရင်မ ယောက်ကျားအမည်တဲ့။ အဲဒီရေအိုင်ထဲကိုစီးတဲ့ ချောင်းဖျား၊ အီသီယိုးပီးယားကုန်းမြင့်အထိ လိုက်ကြည့်တာ။ 

.

ရှိတယ်ဗျာ။ နိုင်းအပြာအစလို့ သတ်မှတ်ထားတဲ့ ရေထွက်အထိရောက်တယ်။ အီသီယိုးပီးယားက မူစလင်များပေမယ့် အဲ့​ဒေသက ခရာဇ်ယာန်နယ်မြေ။ ခရာဇ်ယာန်ဘုန်းကြီးက စောင့်ရှောက်ထားတယ်။ holy water ဆိုပြီး။ ရေထွက်ရာနေရာကို သွပ်ရုံဆောက်ကာထားတယ်။ ကင်မရာအဖွဲ့ကို ပေးမဝင်ဘူး။ လူတွေက ရောဂါအကုန်ပျောက်တယ်ဆိုပြီး လာချိုးကြ၊ ပုန်းတွေနဲ့လာသယ်ကြဘဲ။

.

နိုင်းအဖြူရဲအစက ဝိတိုရီးယားအိုင်ထဲကို စီးဝင်တဲ့ ချောင်းဖျားအထိလိုက်တာ။  တောထဲကို ကုန်းကြောင်းလိုက်ရတာ။ သူက ယူဂန်ဒါနိုင်ငံထဲမှနေ ရဝမ်ဒါတောထဲအထိရောက်တယ်။  သစ်ပင်​ေတွခြုံတွေခုတ်ပြီး နောက်ဆုံးကားသွားလို့ရတဲ့နေရာကနေ သုံးမိုင်လောက်လျှောက်မှရောက်တော့တယ်။ အနားမှာ ဘာမှမရှိဘူး။ မိုင်လေးထောင်ကျော်ရှည်တဲ့ နိုင်းမြစ်ကြီးရဲ့အစလို့ ဆိုင်းဘုတ်တော့ ထောင်ထားတယ်။ ရွံ့မြေပေါက်ကလေးထဲက ရေစစိမ့်ထွက်တဲ့နေရာ။ ရေနည်းချိန်ဆိုတော့ ရေစိမ့်တယ်ဆိုယုံလေး။ ဒီကရေက နောက်တလခွဲလောက်ကြာမှ မြေထဲပင်လယ် ရောက်မယ်ဆိုဘဲ။ စိတ်ဝင်စားစရာပါဘဲ။

ဇီဝလက်နက်ဆိုတာ...

• 
  

ကမ္ဘာဦးအစ လူသားနှစ်ဦးရန်ဖြစ်လျှင် လက်ဗလာသာ ဖိုက်ခဲ့ပါလိမ့်မည်။ တဖြေးဖြေးကြာလာသော် ကျောက်တုံး တုတ်ချောင်းများ သုံးတတ်လာလိမ့်မည်။ တဖြေးဖြေး ဓားလှံများ သုံးတတ်လာသည်။ နောက်သေနတ် အမြောက် စသဖြင့်တိုးတက်လာလိမ့်မည်။

.

၂၀ရါစုထဲတွင် အဝေးသို့လှမ်းပစ်နိုင်သည့် ရော့ကက်များတည်ထွင်လာသည်။ အီလက်ထရွန်းနစ် ကွန်ထရိုးများနိုင်နင်းလာချိန်တွင် လိုရာပစ်မှတ်ကို တမီတာမလွဲ ပစ်နိုင်နေပြီဟုဆိုကြသည်။ ယင်းရော့ကက်ထိပ်ဖူးတွင် အနုမြူဗုံးထည့်သွင်းနိုင်လာတော့ အနုမြူလက်နက် ခေတ်စားလာတော့သည်။

.

နောက်ဆုံး နှစ်ဆယ်ရာစုနှောင်းပိုင်းမှာ လက်နက်သစ်ဟုခေါ်နိုင်မလား မသိ။ ဇီဝလက်နက်ဆိုတာ ကြားဘူးလာသည်။ အရင်လက်နက်တွေလို ရုပ်ဝတ္ထုအထင်အရှား မြင်တွေ့ဖို့မလွယ်။ သို့သော် သက်ရောက်မှုကြီးမားသဖြင့် မသုံးကြရန်တားမြစ်နေရသည်။ ဒီလိုတွေစကြားရတော့ ဖြစ်နိုင်ပါ့မလားပေါ့။ 

.

ယခု ဝူဟန်မှစတွေ့သည့် ကိုဗစ်နိုင်တိန်းဗိုင်းရပ်စ်အစွမ်းကိုမြင်မှ လက်ခံရတော့သည်။ ဤလက်နက်သည် ပစ်သံလည်း မကြားရ။ ထိရောက်မှုက များလှသည်။ ကိုဗစ်သည် တမင်သက်သက် တိုက်ခိုက်တာ မဟုတ်သေး။ အကြောင်းတခုခုကြောင့်သော်၎င်း၊ သဘာဝအလျောက်သာ၎င်း ပြန့်နှံ့တာသာ ဖြစ်သေးသည်။ တမင်စစ်ဆင်ရေးသဘောဖြင့် ရည်ရွယ်ချက်ရှိရှိသာ ပြန့်နှံ့အောင်လုပ်ပါက ထိမ်းဖို့မလွယ်နိုင်။ ဘယ်အချိန်က စဖြန့်သွားလည်း မသိနိုင်။ ဘယ်သူက တိုက်သွားမှန်းလည်း မသိနိုင်။ ဘယ်လောက်ပြန့်မလည်း မသိနိုင်။ လူသေကြေသည်သာမက ရေရှည်မှာ စီးပွားရေးပါထိခိုက်နိုင်သော တိုက်ခိုက်မှုမျိုးဖြစ်သည်။ အသံတိတ်စစ်ပွဲပါပေ။

.

တချို့ နိုင်ငံကြီးများက လိုအပ်လျှင်တိုက်ခိုက်နိုင်ရန် ဗိုင်းရပ်စ်များ ဓာတ်ခွဲခန်းများတွင် မွေးထားသည်ဆိုသည်။ ကုသရန်ဆေးလည်း ရှာထားမည်ထင်သည်။ ဒါတောင် ဗိုင်းရပ်စ်အသစ်ပေါ်လျှင် ဒုက္ခကြီးကြီးတွေနိုင်သဖြင့် လုံးဝမလုပ်သင့်သည့်အလုပ်ဟု ထင်မိသည်။ အနုမြူလက်နက်နှင့်အတူ ဇီဝလက်နက်အားလုံး စွန့်လွှတ်သင့်သည်ဟုပါ ထင်မိပါကြောင်း။ 

ပြည်သူအကြား ပြန်ကြားပေးရန်

ယနေ့မနက် SMS တခုဝင်သည်။ MOHS မှဆိုတော့ ကျန်းမာရေးနှင့်အားကစားဝန်ကြီးဌာနမှဖြစ်မည်။  ၂၈ရက်နေ့ ဝူဟန်ဗိုင်းရပ်စ် ဖြစ်ပွားမှု အခြေအနေအကြောင်းကြားတာပါ။ ပါးသောသတင်းမှာ ခုချိန်လူတိုင်းသိနေသော သတင်းဖြစ်နေပြီ။ ကျေးဇူးတင်ရခက်ခက် ဖြစ်သွားရသည်။
.
ပထမစဥ်းစားမိသည်မှာ ပို့ရသော SMS များလွန်းလို့ တပတ်ခန့်နောက်ကျတာလား။ ဒီသတင်း information မျိုးက အချိန်နှင့်အညီ ပို့နိုင်အောင်လုပ်ရမှာ လူတိုင်းသိသဖြင့် ကျန်းမာရေးဝန်ကြီးဌာနမှ တာဝန်ရှိသူများ သိမှာသေချာပါသည်။ ပို့မှပို့ အချိန်နဲ့တပြေးညီ အကျိုးရှိရှိ ပို့စေချင်သည်။ တာဝန်ကျေ ဝတ်ကျေတန်းကျေ လူကြီးခိုင်းလို့ လုပ်ကြခြင်းလား။
.
ဒုတိယစဥ်းစားမိသည်မှာ မြန်မာပြည်မှ မြန်မာများကို အသိပေးတာ အဘယ်ကြောင့် မြန်မာလိုမသုံးပါသနည်း။ တလောကပင် ယူနီကုဒ်သုံးဖို့ ဆော်သြသဖြင့် သုံးနေကြပါပြီ။ ဇော်ဂျီပါသုံး၍ ပို့လျှင်လည်း ပို့စားရိတ် သိတ်အပိုကုန်မည်မထင်ပါ။ ''ဒီလိုတော့ဖြစ်နေပြီ။ အပြင်မှပြန်လာလျှင်လက်ဆေးပါ၊ လူအများကြားသွားလျှင်၊ ချေဆတ်လျှင်၊ ချောင်းဆိုးလျှင်မျက်နှာဖုံးသုံးပါ။ ပိုမိုသိလိုလျှင် ဒီဝက်ဆိုက်သို့သွားပါ'' လို့ မြန်မာလိုရေးလျှင် မကောင်းဘူးလား။
.
နောက်တခုဖြစ်နိုင်တာက တယ်လီဖုန်းအော်ပရေတာကုမ္ပဏီများက အကျိုးဆောင်ပေးလို့ မြန်မာလိုမသုံးတာလား။ သူတို့ကလုပ်ပေးတာဆိုလျှင် စားရိတ်သက်သာမှာသေချာလို့ ကျေးဇူးတင်ပါသည်။ အကျိုးဆောင်လက်စနှင့် ထိရောက်အောင် မြန်မာလိုဆောင်ပေးကြပါ။ အရေးကြီးသောမက်ဆေ့ချ် သတင်းစကားကို အင်္ဂလိပ်လိုပို့လျှင် စိတ်ဝင်တစားဖတ်မည့်သူ ၁၀%ပင် ရှိမည်မထင်။ မြန်မာစာနှင့်ပို့လျှင်ပင် ၅၀%ဖတ် ကံကောင်း။
.
နောက်ဆုံးစဥ်းစားမိတာကတော့ NLDအစိုးရသည် ပြန်ကြားရေးဝန်ကြီးဌာနကို မှေးမှိန်ဖျောက်လိုက်တော့မည်ထင်သည်။ သက်ဆိုင်ရာ ဝန်ကြီးဌာနများကသာ မိမိတို့ပေးချင်သည့် သတင်းများကို ကိုယ်တိုင်ထုတ်ပြန်ရတော့မည်။ ဒါလည်း ဒီမိုကရေစီနိုင်ငံကြီးများတွင် ကျငိ့သုံးနေသည်ဆို၍ ကန့်ကွက်စရာတော့ မရှိပါ။

ဒီဆေးပင် ခြောက်မခြောက်၊

(Zawgyi version)

   အညာၿမိဳ႕တၿမိဳ႕မွာ ေဆးေျခာက္မေျခာက္ အပင္ၾကည့္ၿပီး မခြဲႏိုင္လို႔ အမႈျဖစ္ အဖမ္းခံေနရတယ္။ ေသခ်ာတာကေတာ့ ျမန္မာဥပေဒမွာ အတိအက် ပါဟန္မတူဘူး။ ဒါ ဥပေဒပညာ႐ွင္ေတြနဲ႔ သက္ဆိုင္ရာဌာနအတြက္ အလုပ္လုပ္ဖို႔ သတိေပးသလို ျဖစ္သြားပါျပီ။ ႐ွိရင္းစြဲဥပေဒက မတိက်တာ၊ မလံုေလာက္တာ၊ အျငင္းပြားစရာ ျဖစ္ေနတာ ေပၚလာပါတယ္။
.
ေဖ့ဘုတ္ေပၚ ဖတ္ၾကည့္ရင္ကို ေတာ္ေတာ္ဗဟုသုတ ရပါတယ္။ ဘယ္ႏိုင္ငံေတြက ေဆးေျခာက္ကို ခြင့္ျပဳတယ္။ ဘယ္ႏိုင္ငံေတြက စီးပြားျဖစ္ စိုက္ေနၾကၿပီ။ ေဆးေျခာက္ႏြယ္ဝင္ အပင္ဘယ္လိုေတြ႐ွိတယ္။ ဘယ္ဓာတ္ ဘယ္ႏွစ္ရာခိုင္ႏႈန္းပါမွ မူးယစ္ေဆးအျဖစ္ သတ္မွတ္တယ္၊ စသျဖင့္ သိရပါတယ္။
.
ဒါေတြကို ေလ့လာၿပီး ဥပေဒအသစ္ေတြ ေရးဖို႔လိုလာပါၿပီ။ ေခတ္နဲ႔ ေလ်ွာ္ညီစြာ ျပန္ေရးသင့္ပါၿပီ။ ဥပေဒတို႔ရဲ႕မိခင္ ေျခဥေတာင္ ေခတ္မမွီေတာ့လို႔ ျပင္ဖို႔ႀကိဳးစားေနရတာဘဲ။ အရင္အာဏာ႐ွင္ေခတ္ကေတာ့ ဒါမ်ိဳးျဖစ္ၿပီဆို ေပးႏိုင္ကမ္းႏိုင္လိုက္ႏိုင္ရင္ လြတ္မယ္၊ မေပးကမ္းႏိုင္ရင္ အဖမ္းခံရမွာ ေသခ်ာတယ္။ ဥပေဒစာအုပ္ ဘယ္သူမွလွန္မွာ မဟုတ္ဘူး။
.
 ဒီမိုေခတ္မွာေတာ့ ဒီလိုကိစၥမ်ိဳး ေပၚလာရင္ သက္ဆိုင္ရာဌာနေတြနဲ႔ လႊတ္ေတာ္အမတ္ေတြက အသစ္ေရးတန္တာေရး၊ ျပင္သင့္တာျပင္ လုပ္ၾကရပါမယ္။ အေပၚကအခိုင္း ေစာင့္မေနသင့္ပါဘူး။ ဒါမွ ဥပေဒျပဳေရးက႑ အသက္ပိုဝင္မွာေပါ့ဗ်ာ။

XxXxXx

(Unicode version)

   အညာမြို့တမြို့မှာ ဆေးခြောက်မခြောက် အပင်ကြည့်ပြီး မခွဲနိုင်လို့ အမှုဖြစ် အဖမ်းခံနေရတယ်။ သေချာတာကတော့ မြန်မာဥပဒေမှာ အတိအကျ ပါဟန်မတူဘူး။ ဒါ ဥပဒေပညာရှင်တွေနဲ့ သက်ဆိုင်ရာဌာနအတွက် အလုပ်လုပ်ဖို့ သတိပေးသလို ဖြစ်သွားပါပြီ။ ရှိရင်းစွဲဥပဒေက မတိကျတာ၊ မလုံလောက်တာ၊ အငြင်းပွားစရာ ဖြစ်နေတာ ပေါ်လာပါတယ်။
.
ဖေ့ဘုတ်ပေါ် ဖတ်ကြည့်ရင်ကို တော်တော်ဗဟုသုတ ရပါတယ်။ ဘယ်နိုင်ငံတွေက ဆေးခြောက်ကို ခွင့်ပြုတယ်။ ဘယ်နိုင်ငံတွေက စီးပွားဖြစ် စိုက်နေကြပြီ။ ဆေးခြောက်နွယ်ဝင် အပင်ဘယ်လိုတွေရှိတယ်။ ဘယ်ဓာတ် ဘယ်နှစ်ရာခိုင်နှုန်းပါမှ မူးယစ်ဆေးအဖြစ် သတ်မှတ်တယ်၊ စသဖြင့် သိရပါတယ်။
.
ဒါတွေကို လေ့လာပြီး ဥပဒေအသစ်တွေ ရေးဖို့လိုလာပါပြီ။ ခေတ်နဲ့ လျှော်ညီစွာ ပြန်ရေးသင့်ပါပြီ။ ဥပဒေတို့ရဲ့မိခင် ခြေဥတောင် ခေတ်မမှီတော့လို့ ပြင်ဖို့ကြိုးစားနေရတာဘဲ။ အရင်အာဏာရှင်ခေတ်ကတော့ ဒါမျိုးဖြစ်ပြီဆို ပေးနိုင်ကမ်းနိုင်လိုက်နိုင်ရင် လွတ်မယ်၊ မပေးကမ်းနိုင်ရင် အဖမ်းခံရမှာ သေချာတယ်။ ဥပဒေစာအုပ် ဘယ်သူမှလှန်မှာ မဟုတ်ဘူး။
.
 ဒီမိုခေတ်မှာတော့ ဒီလိုကိစ္စမျိုး ပေါ်လာရင် သက်ဆိုင်ရာဌာနတွေနဲ့ လွှတ်တော်အမတ်တွေက အသစ်ရေးတန်တာရေး၊ ပြင်သင့်တာပြင် လုပ်ကြရပါမယ်။ အပေါ်ကအခိုင်း စောင့်မနေသင့်ပါဘူး။ ဒါမှ ဥပဒေပြုရေးကဏ္႑ အသက်ပိုဝင်မှာပေါ့ဗျာ။

မြစ်ဆုံလျှော်ကြေးကိစ္စ

(Zawgyi version)

   ျမစ္ဆံုဆည္ကိစၥ အေလွ်ာ္ေပးၿပီး ျပန္ေရြးဖို႔ ဆရာႀကီးမ်ား ဆံုးျဖတ္သတ့ဲ။ တ႐ုပ္သမတထံ စာပို႔မတ့ဲ။ ဒီအဆိုကို ျပည္သူဘယ္ႏွစ္ရာခိုင္ႏႈန္းက ေထာက္ခံသလည္းေတာ့ မသိရပါဘူး။
.
ျမစ္ဆံုေနရာ ေပ်ာက္တာမႀကိဳက္ပါဘူး။ ျပည္သူအမ်ားစုလည္း မႀကိဳက္တာ ေသခ်ာပါတယ္။ သို႔ေသာ္ အရင္စစ္အစိုးရက ခ်ဳပ္သြားတ့ဲစာခ်ဳပ္မွာ ဘာပါမွန္းမသိဘဲ ခုလိုလုပ္တာ ေလာလြန္းတယ္ထင္ပါတယ္။ စာခ်ဳပ္ထဲမွာ ဆက္မလုပ္ရင္ ကုန္ထားသမွ်ရဲ႕ ငါးဆေလွ်ာ္ရမည္လို႔ပါရင္ ဘယ္လိုလုပ္မလည္း။ စာခ်ဳပ္ကို ဘာအေၾကာင္းနဲ႔မ်ွ မဖ်က္ရဆို ေသၿပီဆရာ။
.
ေလွ်ာ္ရမ့ဲေငြပမာဏကို ေဒၚလာသန္း၈၀၀ခန္႔ တြက္ထားဟန္႐ွိပါတယ္။ ဘယ္ကရတ့ဲ ကိန္းဂဏန္းလည္း မသိၾကရပါ။ ျမန္မာျပည္လူဦးေရ ၅၂သန္းေက်ာ္ ၁၅ခါ တစ္ေဒၚလာစီ ေလွ်ာ္ရမယ္တ့ဲ။ ျမန္မာျပည္က ကားေရာင္းကားဝယ္၊ အိမ္ေရာင္းအိမ္ဝယ္ စာခ်ဳပ္ၾကသလို ဖ်က္ရင္ႏွစ္ဆဆို အခါ၃၀ ျဖစ္သြားမယ္ေနာ္။ ခုထိ လွ်ပ္စစ္မီး ပိုက္သြယ္ေရ မရဘူးေသးသူမ်ားလည္း အညီအမွ် ေလွ်ာ္သင့္ပါသလား။
.
ဒီအဆိုသာအတည္ျဖစ္ရင္ သေဘာအက်ဆံုးကေတာ့ စစ္အစိုးရေခတ္က ေခါင္းေဆာင္ေတြဘဲ ျဖစ္မွာပါ။ သူတို႔စာခ်ဳပ္ခ်ဳပ္ခ်ိန္က ပြဲစားခသေဘာမ်ိဳး ပါမစ္ေပးခသေဘာမ်ိဳး တနင့္တပိုး ရထားသူေတြဆိုေတာ့ တစ္ေဒၚလာဘဲ ထည့္ရမယ္ဆို ေပ်ာ္စရာ ျဖစ္ေနမွာဘဲ။ တာဝန္လည္း ယူစရာ မလိုေတာ့ၿပီေလ။ ဒီအဆို တင္သြင္းသူေတြကို ေန႔တိုင္းေက်းဇူးတင္ေနၾကမွာဘဲ။
.
ဧရာဝတီအတြက္ သာတူညီမွ် ေလွ်ာ္ၾကရမယ္ဆိုေတာ့ ဧရာဝတီနဲ႔ ထိေတြ႔မႈမ႐ွိတ့ဲ ကရင္ ကယား ခ်င္း ႐ွမ္း ရခိုင္ မြန္ တနသၤာရီ ေဒသေတြကသူေတြကေရာ သေဘာတူသတ့ဲလား။ စားတံုးကေတာ့ ဗမာေတြ၊ (တကယ္က စစ္ေခါင္းေဆာင္ တခ်ိဳ႕ပါ) ေလွ်ာ္ေတာ့မွ ငါတို႔က အညီအမွ်တ့ဲလား ကန္႔ကြက္ရင္ ဘယ္လိုစဥ္းစားထားလဲ။ ေနာက္ထပ္ လက္နက္ကိုင္အဖြဲ႔ေတြ ေပၚလာေတာ့မွာဘဲ။
.
တကယ္က တ႐ုပ္သမတထံ ေလွ်ာ္မယ့္အေၾကာင္းမပါဘဲ ျမန္မာျပည္သားအမ်ားစု လက္မခံေၾကာင္းဘဲ အရင္အေၾကာင္းၾကားရမွာပါ။ ခုလုပ္ပံုက ႏွပ္ေၾကာင္းေပးသလိုျဖစ္ေနတယ္။ ဒီအဆိုျပဳခ်က္ အတည္ျဖစ္သြားရင္ စစ္ေခါင္းေဆာင္ေဟာင္းေတြအတြက္ အျမတ္ထြက္သြားမယ္။ အဆိုးဆံုးကေတာ့ အေမစု တ႐ုပ္သြားခါနီး ဖိအားေပးသလိုျဖစ္ေနတယ္။ ဒီပြဲလုပ္တာ ႐ိုးမွ႐ိုးၾကရဲ႕လား။ ဒါေၾကာင့္ ဒီအဆိုကို လက္မခံႏိုင္ေသးပါ။

XxXxXx

(Unicode version)

   မြစ်ဆုံဆည်ကိစ္စ အလျှော်ပေးပြီး ပြန်ရွေးဖို့ ဆရာကြီးများ ဆုံးဖြတ်သတ့ဲ။ တရုပ်သမတထံ စာပို့မတ့ဲ။ ဒီအဆိုကို ပြည်သူဘယ်နှစ်ရာခိုင်နှုန်းက ထောက်ခံသလည်းတော့ မသိရပါဘူး။
.
မြစ်ဆုံနေရာ ပျောက်တာမကြိုက်ပါဘူး။ ပြည်သူအများစုလည်း မကြိုက်တာ သေချာပါတယ်။ သို့သော် အရင်စစ်အစိုးရက ချုပ်သွားတ့ဲစာချုပ်မှာ ဘာပါမှန်းမသိဘဲ ခုလိုလုပ်တာ လောလွန်းတယ်ထင်ပါတယ်။ စာချုပ်ထဲမှာ ဆက်မလုပ်ရင် ကုန်ထားသမျှရဲ့ ငါးဆလျှော်ရမည်လို့ပါရင် ဘယ်လိုလုပ်မလည်း။ စာချုပ်ကို ဘာအကြောင်းနဲ့မျှ မဖျက်ရဆို သေပြီဆရာ။
.
လျှော်ရမ့ဲငွေပမာဏကို ဒေါ်လာသန်း၈၀၀ခန့် တွက်ထားဟန်ရှိပါတယ်။ ဘယ်ကရတ့ဲ ကိန်းဂဏန်းလည်း မသိကြရပါ။ မြန်မာပြည်လူဦးရေ ၅၂သန်းကျော် ၁၅ခါ တစ်ဒေါ်လာစီ လျှော်ရမယ်တ့ဲ။ မြန်မာပြည်က ကားရောင်းကားဝယ်၊ အိမ်ရောင်းအိမ်ဝယ် စာချုပ်ကြသလို ဖျက်ရင်နှစ်ဆဆို အခါ၃၀ ဖြစ်သွားမယ်နော်။ ခုထိ လျှပ်စစ်မီး ပိုက်သွယ်ရေ မရဘူးသေးသူများလည်း အညီအမျှ လျှော်သင့်ပါသလား။
.
ဒီအဆိုသာအတည်ဖြစ်ရင် သဘောအကျဆုံးကတော့ စစ်အစိုးရခေတ်က ခေါင်းဆောင်တွေဘဲ ဖြစ်မှာပါ။ သူတို့စာချုပ်ချုပ်ချိန်က ပွဲစားခသဘောမျိုး ပါမစ်ပေးခသဘောမျိုး တနင့်တပိုး ရထားသူတွေဆိုတော့ တစ်ဒေါ်လာဘဲ ထည့်ရမယ်ဆို ပျော်စရာ ဖြစ်နေမှာဘဲ။ တာဝန်လည်း ယူစရာ မလိုတော့ပြီလေ။ ဒီအဆို တင်သွင်းသူတွေကို နေ့တိုင်းကျေးဇူးတင်နေကြမှာဘဲ။
.
ဧရာဝတီအတွက် သာတူညီမျှ လျှော်ကြရမယ်ဆိုတော့ ဧရာဝတီနဲ့ ထိတွေ့မှုမရှိတ့ဲ ကရင် ကယား ချင်း ရှမ်း ရခိုင် မွန် တနင်္သာရီ ဒေသတွေကသူတွေကရော သဘောတူသတ့ဲလား။ စားတုံးကတော့ ဗမာတွေ၊ (တကယ်က စစ်ခေါင်းဆောင် တချို့ပါ) လျှော်တော့မှ ငါတို့က အညီအမျှတ့ဲလား ကန့်ကွက်ရင် ဘယ်လိုစဉ်းစားထားလဲ။ နောက်ထပ် လက်နက်ကိုင်အဖွဲ့တွေ ပေါ်လာတော့မှာဘဲ။
.
တကယ်က တရုပ်သမတထံ လျှော်မယ့်အကြောင်းမပါဘဲ မြန်မာပြည်သားအများစု လက်မခံကြောင်းဘဲ အရင်အကြောင်းကြားရမှာပါ။ ခုလုပ်ပုံက နှပ်ကြောင်းပေးသလိုဖြစ်နေတယ်။ ဒီအဆိုပြုချက် အတည်ဖြစ်သွားရင် စစ်ခေါင်းဆောင်ဟောင်းတွေအတွက် အမြတ်ထွက်သွားမယ်။ အဆိုးဆုံးကတော့ အမေစု တရုပ်သွားခါနီး ဖိအားပေးသလိုဖြစ်နေတယ်။ ဒီပွဲလုပ်တာ ရိုးမှရိုးကြရဲ့လား။ ဒါကြောင့် ဒီအဆိုကို လက်မခံနိုင်သေးပါ။ 

အင်္ဂလန် ဘင်သံနဲ့ အိမ်ပြန်ပြီ

(Unicode version)



ညကပွဲမှာ အရင်ရက်တွေလိုဘဲ အင်္ဂလန်မကောင်းပါ။ ဥရောပအသင်းချင်းယှဉ်လျှင် သိတ်မကွာကြပေမယ့် အင်္ဂလန်ကတော့ နဲနဲရော့ပါတယ်။ စစချင်း ဖရီးကစ်ကနေ ဂိုးရသွားပေမ့ဲ ရှေ့တန်းက အလုပ်မဖြစ်ပါဘူး။ နံပတ်၁၀ဂျပုဆို ဘာလို့ရွေးလာမှန်းကို မသိပါဘူး။ ခုလောက်ရောက်တာ တန်ပါပြီ။

.

တတိယလုပွဲမှာလဲ မနိုင်လောက်ပါ။ နှစ်သင်းလုံးအရန်တွေနဲ့ ခြေစမ်းပွဲကန်ရင်တော့ မပြောတတ်ပါ။ ခက်နေတာက မြန်မာအသင်းညံလဲ ကိုယ့်နိုင်ငံအသင်းဆိုတော့ နိုင်စေချင်မိပြန်။ ပြည်ပအသင်းတွေထဲမှာလည်း အင်္ဂလန်အသင်းက ကိုယ့်အသင်းလို ဖြစ်နေမိတော့ နောက်ပွဲတွေလည်း မျှော်လင့်နေရဦးမှာပါဘဲ။

.

ကြည့်ရတာ အာဆီယံမှာ မြန်မာဗိုလ်စွဲတ့ဲခေတ်ရောက်မှ အင်္ဂလိပ်တွေ ဗိုလ်စွဲမှာလား၊ အင်္ဂလန်အသင်း ယူရိုတို့ ဝါးကပ်တို့မှာ ဗိုလ်စွဲကာမှ မြန်မာအသင်း ချန်ပီယံဖြစ်မှာလား မသကာၤစရာဘဲ။ ခုတလော ကိုလိုနီအမွေဆိုးတွေက ခေတ်ပြန်စားနေသကိုး။


XxXxXx

(Zawgyi version)

ညကပြဲမွာ အရင္ရက္ေတြလိုဘဲ အဂၤလန္မေကာင္းပါ။ ဥေရာပအသင္းခ်င္းယွဥ္လ်ွင္ သိတ္မကြာၾကေပမယ့္ အဂၤလန္ကေတာ့ နဲနဲေရာ့ပါတယ္။ စစခ်င္း ဖရီးကစ္ကေန ဂိုးရသြားေပမ့ဲ ေ႐ွ႕တန္းက အလုပ္မျဖစ္ပါဘူး။ နံပတ္၁၀ဂ်ပုဆို ဘာလို႔ေရြးလာမွန္းကို မသိပါဘူး။ ခုေလာက္ေရာက္တာ တန္ပါၿပီ။
.
တတိယလုပြဲမွာလဲ မနိုင္ေလာက္ပါ။ ႏွစ္သင္းလံုးအရန္ေတြနဲ႔ ေျခစမ္းပြဲကန္ရင္ေတာ့ မေျပာတတ္ပါ။ ခက္ေနတာက ျမန္မာအသင္းညံလဲ ကိုယ့္ႏိုင္ငံအသင္းဆိုေတာ့ ႏိုင္ေစခ်င္မိျပန္။ ျပည္ပအသင္းေတြထဲမွာလည္း အဂၤလန္အသင္းက ကိုယ့္အသင္းလို ျဖစ္ေနမိေတာ့ ေနာက္ပြဲေတြလည္း ေမွ်ာ္လင့္ေနရဦးမွာပါဘဲ။
.
ၾကည့္ရတာ အာဆီယံမွာ ျမန္မာဗိုလ္စြဲတ့ဲေခတ္ေရာက္မွ အဂၤလိပ္ေတြ ဗိုလ္စြဲမွာလား၊ အဂၤလန္အသင္း ယူ႐ိုတို႔ ဝါးကပ္တို႔မွာ ဗိုလ္စြဲကာမွ ျမန္မာအသင္း ခ်န္ပီယံျဖစ္မွာလား မသကာၤစရာဘဲ။ ခုတေလာ ကိုလိုနီအေမြဆိုးေတြက ေခတ္ျပန္စားေနသကိုး။