အခွန်စည်းကျပ်မှုမှ လွတ်နေတဲ့ ငွေများကို အခွန်လျော့ဆောင်ပြီး ငွေဖြူဖြစ်အောင်လုပ်တဲ့ ဥပဒေကို လွှတ်တော်က အတည်ပြုပေးလိုက်ပါပြီ။ ဗိုလ်လိုဆိုရင် tax amnesty ခေါ်ပြီး အရပ်စကားနဲ့ ငွေမဲကိုငွေဖြူလုပ်ခွင့်လို့ဘဲ ခေါ်ဝေါ်သတ်မှတ်ကြမယ်ထင်ပါတယ်။
.
နိုင်ငံတကာမှာလည်း ဒီလိုလုပ်ပေးတာတွေ ရှိခဲ့ပါသတဲ့။ အစိုးရညံ့တွေ အုပ်ချုပ်ခဲ့လို့ ပုံမှန်ဝင်ငွေခွန် မကောက်နိုင်ခဲ့တာ ကြာခဲ့ရင် ဒီလိုလုပ်ပေးရမှာဘဲထင်တယ်။ ပုံမှန်ငွေဖြူတွေဖြစ်မှ တရားဝင်စီးပွားရေးလုပ်ငန်းတွေ လုပ်လို့ရမှာကိုး။ မြန်မာပြည်မှာတော့ နဝတတက်ခါစက တကြိမ်လုပ်ခွင့်ပြုတာ မှတ်မိနေတယ်။
.
ထုံးစံအတိုင်း နှစ်ဖက်ဝေဖန်မှုတွေ ထွက်လာတာပေါ့။ ထောက်ခံတဲ့စကားတွေ လွှတ်တော်မှာဆွေးနွေးပြီးပါပြီ။ လုပ်သင့်တဲ့အချိန်မလို့ လုပ်ပေးတာဘဲဖြစ်မှာပါ။ ဖေ့ဘုတ်မှာတွေ့ရသလောက် ကားဝယ်ရင်ဆောင်ရတဲ့အခွန် သိန်းသုံးလေးဆယ်လျော့လို့ ပြောကြတာဘဲရှိတယ်။ သိန်းသောင်းချီတဲ့ အိမ်ခြံတွေနဲ့ ကွန်ဒိုတွေ လှုပ်သံမကြားရသေးဘူး။ အရောင်းအဝယ်ပြန်ဖြစ်တောင် အရင်ခေတ်နှူန်း ပြန်ရမယ်မထင်ပါ။
.
ဒီဥပဒေကို အပစ်မြင်သူတွေလည်း တွေ့ရတယ်။ NLDအစိုးရလုပ်လို့ အပစ်တင်ကြတာလား မသိဘူး။ သူတို့ပြောတာတချို့ လွဲနေတယ်ထင်တာဘဲ။ ပထမဆုံး တချက်က ရွေးကောက်ပွဲ မဲဆွယ်ဖို့လုပ်တာ ဖြစ်နိုင်သတဲ့။ စလွဲပါပြီ တက်တက်စင်။ ငွေမဲတွေရှိသူအများစု ဘယ်သူတွေဆိုတာ သိကြမှာပါ။ ဒီလူတွေ တိတ်တိတ်လေး ငွေတွေသွားဖွတ်လျှော်နေမှာ သေချာပေမယ့် NLDပါတီကို ထောက်ခံမဲ့သူတွေ မဟုတ်ပါဘူး။
.
နောက်တချက်က ပုံမှန်ဝင်ငွေခွန်ဆောင်နေသူတွေ မပေးဘဲနေမယ်တဲ့။ အစောကပြောသလို အစိုးရကောင်းခေတ်မှာ ဒါမျိုးမဖြစ်အောင် လုပ်ရမှာပါ။ ပုံမှန်ဝင်ငွေခွန် ကောက်နိုင်နေခဲ့ရင် ဒါမျိုးအခွင့်အရေး ထပ်ပေးစရာ အကြောင်းမရှိပါဘူး။ အစိုးရအနေနဲ့ ကြပ်မတ်ပေးဖို့ လိုပါလိမ့်မယ်။ ခုအခွန်လျှော့ပေးတာလည်း သက်တမ်းတနှစ်ဘဲတဲ့။
.
အဆိုးဆုံး အပစ်ပြောတာက တရားဝင်အခွန်ဆောင်ရတာကို စိတ်ပျက်သွားမယ်။ နောင်မှာ ဒီလိုအခွင့်အရေးမျိုးလာမှာဘဲလို့ မျှော်ကိုးပြီး တရားမဝင်အလုပ်တွေနဲ့ ငွေရှာပြီး ထိုင်စောင့်ချင်စိတ် ပေါ်လာနိုင်တယ်တဲ့။ အလွဲဆုံးပါဘဲ။ တရားမဝင်စီးပွားရှာတာ အခွန်စည်းကြပ်နှူန်းနဲ့ လုံးဝကို မပတ်သက်ပါ။ မည်သည့် အခွန်နှူန်းထားနဲ့ အခွန်ကောက်သည်ဖြစ်စေ တရားမဝင်စီးပွားရှာတာ ခွင့်မပြုပါ။ အရင်အစိုးရတွေ လစ်လျှူရှုသလိုလုပ်ခဲ့လို့ အခုကိစ္စ ပေါ်ပေါက်လာတာပါ။ အခွန်ကောက်ခံမှု မှန်ကန်နေတယ်လို့ ပြောလို့ရတဲ့ အမေရိကန်နဲ့ အနောက်နိုင်ငံတွေမှာတောင် တရားမဝင် စီးပွားရှာတာနဲ့ အခွန်ရှောင်ဖို့ ကြိုးစားတာတွေ ရှိနေတာပါဘဲ။ အစိုးရအနေနဲ့ ဒါတွေကို ဖော်ထုတ်အရေးယူဖို့ဘဲ လုပ်ရမှာပါ။
.
ဒီဥပဒေ ဖော်ဆောင်မယ့် လက်ရှိအစိုးရလည်း ဒီကိစ္စတွေ မဖြစ်အောင် ကြီးကြပ်ရတော့မှာပါ။ တာဝန်ရှိသွားပါပြီ။ အရင် အစိုးရအဆက်ဆက် ပျက်စီးခဲ့တဲ့ ဝင်ငွေခွန်၊ အမှန်ဆောင်ဖို့ ပြန်လုပ်ပေးရမှာပါ။ အခွန်ဆောင် ပြည်သူတွေကို ရှင်းပြစည်းရုံးဖို့ လိုသလို လုပ်နေတာလည်း တွေ့ရပါတယ်။ အဓိကလုပ်ရမှာကတော့ ဝင်ငွေခွန်ကောက်တဲ့ဌာနက ဝန်ထမ်းတွေကို စည်းကမ်းထိမ်း အရေးယူဖို့ပါဘဲဗျာ။
XxXxXx
(Zawgyi version)
အခြန္စည္းက်ပ္မႈမွ လြတ္ေနတဲ့ ေငြမ်ားကို အခြန္ေလ်ာ့ေဆာင္ၿပီး ေငြျဖဴျဖစ္ေအာင္လုပ္တဲ့ ဥပေဒကို လႊတ္ေတာ္က အတည္ျပဳေပးလိုက္ပါၿပီ။ ဗိုလ္လိုဆိုရင္ tax amnesty ေခၚၿပီး အရပ္စကားနဲ႕ ေငြမဲကိုေငြျဖဴလုပ္ခြင့္လို႔ဘဲ ေခၚေဝၚသတ္မွတ္ၾကမယ္ထင္ပါတယ္။
.
နိုင္ငံတကာမွာလည္း ဒီလိုလုပ္ေပးတာေတြ ရွိခဲ့ပါသတဲ့။ အစိုးရညံ့ေတြ အုပ္ခ်ဳပ္ခဲ့လို႔ ပုံမွန္ဝင္ေငြခြန္ မေကာက္နိုင္ခဲ့တာ ၾကာခဲ့ရင္ ဒီလိုလုပ္ေပးရမွာဘဲထင္တယ္။ ပုံမွန္ေငြျဖဴေတြျဖစ္မွ တရားဝင္စီးပြားေရးလုပ္ငန္းေတြ လုပ္လို႔ရမွာကိုး။ ျမန္မာျပည္မွာေတာ့ နဝတတက္ခါစက တႀကိမ္လုပ္ခြင့္ျပဳတာ မွတ္မိေနတယ္။
.
ထုံးစံအတိုင္း ႏွစ္ဖက္ေဝဖန္မႈေတြ ထြက္လာတာေပါ့။ ေထာက္ခံတဲ့စကားေတြ လႊတ္ေတာ္မွာေဆြးႏြေးၿပီးပါၿပီ။ လုပ္သင့္တဲ့အခ်ိန္မလို႔ လုပ္ေပးတာဘဲျဖစ္မွာပါ။ ေဖ့ဘုတ္မွာေတြ႕ရသေလာက္ ကားဝယ္ရင္ေဆာင္ရတဲ့အခြန္ သိန္းသုံးေလးဆယ္ေလ်ာ့လို႔ ေျပာၾကတာဘဲရွိတယ္။ သိန္းေသာင္းခ်ီတဲ့ အိမ္ၿခံေတြနဲ႕ ကြန္ဒိုေတြ လႈပ္သံမၾကားရေသးဘူး။ အေရာင္းအဝယ္ျပန္ျဖစ္ေတာင္ အရင္ေခတ္ႏႉန္း ျပန္ရမယ္မထင္ပါ။
.
ဒီဥပေဒကို အပစ္ျမင္သူေတြလည္း ေတြ႕ရတယ္။ NLDအစိုးရလုပ္လို႔ အပစ္တင္ၾကတာလား မသိဘူး။ သူတို႔ေျပာတာတခ်ိဳ႕ လြဲေနတယ္ထင္တာဘဲ။ ပထမဆုံး တခ်က္က ေ႐ြးေကာက္ပြဲ မဲဆြယ္ဖို႔လုပ္တာ ျဖစ္နိုင္သတဲ့။ စလြဲပါၿပီ တက္တက္စင္။ ေငြမဲေတြရွိသူအမ်ားစု ဘယ္သူေတြဆိုတာ သိၾကမွာပါ။ ဒီလူေတြ တိတ္တိတ္ေလး ေငြေတြသြားဖြတ္ေလွ်ာ္ေနမွာ ေသခ်ာေပမယ့္ NLDပါတီကို ေထာက္ခံမဲ့သူေတြ မဟုတ္ပါဘူး။
.
ေနာက္တခ်က္က ပုံမွန္ဝင္ေငြခြန္ေဆာင္ေနသူေတြ မေပးဘဲေနမယ္တဲ့။ အေစာကေျပာသလို အစိုးရေကာင္းေခတ္မွာ ဒါမ်ိဳးမျဖစ္ေအာင္ လုပ္ရမွာပါ။ ပုံမွန္ဝင္ေငြခြန္ ေကာက္နိုင္ေနခဲ့ရင္ ဒါမ်ိဳးအခြင့္အေရး ထပ္ေပးစရာ အေၾကာင္းမရွိပါဘူး။ အစိုးရအေနနဲ႕ ၾကပ္မတ္ေပးဖို႔ လိုပါလိမ့္မယ္။ ခုအခြန္ေလွ်ာ့ေပးတာလည္း သက္တမ္းတႏွစ္ဘဲတဲ့။
.
အဆိုးဆုံး အပစ္ေျပာတာက တရားဝင္အခြန္ေဆာင္ရတာကို စိတ္ပ်က္သြားမယ္။ ေနာင္မွာ ဒီလိုအခြင့္အေရးမ်ိဳးလာမွာဘဲလို႔ ေမွ်ာ္ကိုးၿပီး တရားမဝင္အလုပ္ေတြနဲ႕ ေငြရွာၿပီး ထိုင္ေစာင့္ခ်င္စိတ္ ေပၚလာနိုင္တယ္တဲ့။ အလြဲဆုံးပါဘဲ။ တရားမဝင္စီးပြားရွာတာ အခြန္စည္းၾကပ္ႏႉန္းနဲ႕ လုံးဝကို မပတ္သက္ပါ။ မည္သည့္ အခြန္ႏႉန္းထားနဲ႕ အခြန္ေကာက္သည္ျဖစ္ေစ တရားမဝင္စီးပြားရွာတာ ခြင့္မျပဳပါ။ အရင္အစိုးရေတြ လစ္လ်ႉရႈသလိုလုပ္ခဲ့လို႔ အခုကိစၥ ေပၚေပါက္လာတာပါ။ အခြန္ေကာက္ခံမႈ မွန္ကန္ေနတယ္လို႔ ေျပာလို႔ရတဲ့ အေမရိကန္နဲ႕ အေနာက္နိုင္ငံေတြမွာေတာင္ တရားမဝင္ စီးပြားရွာတာနဲ႕ အခြန္ေရွာင္ဖို႔ ႀကိဳးစားတာေတြ ရွိေနတာပါဘဲ။ အစိုးရအေနနဲ႕ ဒါေတြကို ေဖာ္ထုတ္အေရးယူဖို႔ဘဲ လုပ္ရမွာပါ။
.
ဒီဥပေဒ ေဖာ္ေဆာင္မယ့္ လက္ရွိအစိုးရလည္း ဒီကိစၥေတြ မျဖစ္ေအာင္ ႀကီးၾကပ္ရေတာ့မွာပါ။ တာဝန္ရွိသြားပါၿပီ။ အရင္ အစိုးရအဆက္ဆက္ ပ်က္စီးခဲ့တဲ့ ဝင္ေငြခြန္၊ အမွန္ေဆာင္ဖို႔ ျပန္လုပ္ေပးရမွာပါ။ အခြန္ေဆာင္ ျပည္သူေတြကို ရွင္းျပစည္း႐ုံးဖို႔ လိုသလို လုပ္ေနတာလည္း ေတြ႕ရပါတယ္။ အဓိကလုပ္ရမွာကေတာ့ ဝင္ေငြခြန္ေကာက္တဲ့ဌာနက ဝန္ထမ္းေတြကို စည္းကမ္းထိမ္း အေရးယူဖို႔ပါဘဲဗ်ာ။
No comments:
Post a Comment
Thank you.