ရိုးမကိုကျောခိုင်း၍၊

ဦးတင်ညွန့်ရဲ့ စာအုပ်။ ''ရိုးမကိုကျောခိုင်း၍'' ဆိုလို့ တောခိုတဲ့အကြောင်းများလားလို့။ အဖုံးပုံကလည်း ''သူတိုပြန်ကြလေပြီ'' နဲ့ ခပ်ဆင်ဆင်။ . စာဖတ်ကြည့်မှ ရိုးမကိုတော့ ကျောခိုင်းခဲ့ပါရဲ့၊ ရန်ကုန် စာပေလောကသို့ ဖြစ်နေတယ်။ ယနေ့ ကျနော်တို့ ဆရာတင်ညွန့်စာတွေဖတ်ရဖို့ ဇတ်လမ်းအစပေါ့။ . ဆရာက အရင် သူ့ကျောင်းဆရာဘဝကို အခြေခံပြီး ''၃၃'' ဆိုတဲ့ ဝတ္ထုတအုပ် ရေးဘူးတယ်။ ဒီစာအုပ်က ''၃၃'' အဆက် ''၃၄'' ဆိုပြီး ရေးခဲ့တာတဲ့။ . "၃၃'' ထဲက ဇတ်လမ်းကို အခြေခံပေမယ့် ဒီစာအုပ်မှာ ၈၈ အရေးအခင်းအချိန် အသားပေးဖြစ်နေတယ်။ အဲ့တုံးက ဆရာပတ်သက်ခဲ့ရာ ပဲခူးမြို့သပိတ်အကြောင်း မှတ်တမ်းပေါ့။ . ဆရာရဲ့ အရေးအသား ကျွမ်းကျင်မှုကြောင့် မူရင်းဝတ္ထုဇတ်လမ်းလည်း ထည့်ရေးသွားနိုင်တယ်။ မြန်မာတွေ တမျိုးထင်လေ့ရှိတဲ့ရောဂါကို ဘရိန်းကျူမာကြောင့်လို့လည်း ရေးပြနိုင်တယ်။ တခါတခါ ဆရာရေးပြလေ့ရှိတဲ့ ဂမ္ဘီယစတိုင်နဲ့ပေါ့။ . အဆုံးသတ်အထိ ဖတ်ပြီးတော့မှ ဘာလို့ ဒီစာအုပ်ကို ၃၄ လို့ အမည်မပေးလည်း နှမြောမိတယ်။ ဆရာတင်ညွန့် ပရိဿတ်ကတော့ သဘောကျကြမှာပါ။ သုတရော ရသပါပေးတဲ့ စာအုပ်တအုပ်ပါ။