အရူး အရူးနဲ့ .....

( Zawgyi version)
   ေဖ့ဘုတ္ေပၚမွာ ေဒၚစုကို စိန္ေခၚေနတ့ဲ တကၠသိုလ္ဆရာမတေယာက္ ေတြ႔လိုက္တယ္။ ေျဖေျပာသူေတြကေတာ့ စိတ္မမွန္လို႔ပါတ့ဲ။ မၾကာခဏ ေတြ႔ရတတ္တာက ဗိုလ္ခ်ဳပ္ေၾကး႐ုပ္ဖ်က္ဆီးသူေတြ အေမစုကို ဆဲေနသူေတြက စိတ္မမွန္သူေတြ ျဖစ္ေနတတ္တာပါဘဲ။ အ႐ူးေတြေပါ့။
.
ႏိုင္ငံျပန္လည္ဦးေမာ့လာေရးအတြက္ အဓိကလုပ္ေဆာင္ႏိုင္မယ္လို႔ ျပည္သူေတြက ေမွ်ာ္လင့္အားကိုးသူက အေမစုဘဲ ျဖစ္ပါတယ္။ ဒါကို မနာလိုတို႐ွည္ျဖစ္ေနသူေတြ ႐ွိေနေတာ့ လုပ္ၾကံမွာ စိုးၾကတာ သဘာဝပါ။ အ႐ူး အ႐ူးနဲ႔ ခဏခဏျမင္ရေတာ့ စိတ္မခ်မ္းသာပါ။ သတိရတာ တခုေပၚလာပါတယ္။
.
ကမာၻ႔ဂီတေလာကမွာ ဘီတယ္လ္အဖြဲ႔ဆိုတာ အရမ္းေက်ာ္ၾကားခ့ဲပါတယ္။ ၆၀ေက်ာ္ႏွစ္မ်ားမွာ ေကာင္မေလးေတြရဲ႕ အသဲစြဲတီးဝိုင္းအျဖစ္ အဂၤလန္မွာ စခ့ဲတာပါ။ ေနာက္ပိုင္း အေမရိကားအထိ ျပန္႔ႏွံ႔ၿပီး ကမာၻေက်ာ္ ခ့ဲတာေပါ့။ ခုထိလည္း နံပတ္တစ္အဖြဲ႔အျဖစ္ သတ္မွတ္ၾကတံုးပါ။
.
အဲဒီတီးဝိုင္းကို စေထာင္သူက သီဆိုသူ သီခ်င္းေရးဆရာ ဂြၽန္လင္ႏြန္ပါ။ တဦးခ်င္းလည္း ေအာင္ျမင္ခ့ဲသူပါ။ ၇၀ေနာက္ပိုင္း အဖြဲ႔ကြဲသလိုျဖစ္ၿပီး အေမရိကားမွာ သြားေနပါတယ္။ ၁၉၈၀ျပည့္ႏွစ္တရက္ ညပိုင္းမွာ သူေနတ့ဲအိမ္ကေန အျပင္ထြက္လမ္းေလ်ာက္စဥ္ လူငယ္တဦးရဲ႕ လုပ္ၾကံခံရၿပီး ကြယ္လြန္ခ့ဲတာပါ။
.
တကမာၻလံုး အံ့ၾသခ့ဲရတာပါ။ ဘယ္လိုအေၾကာင္းေၾကာင့္ လုပ္ၾကံရတာလည္း ေမးခြန္းမ်ားစြာ ထြက္ေပၚခ့ဲပါတယ္။ စီးပြားေရးေၾကာင့္လား၊ အိမ္ေထာင္ေရးေၾကာင့္လား (ဂြၽန္က အ့ဲအခ်ိန္မွာ ေနာက္ဇနီး ဂ်ပန္သူနဲ႔ပါ)၊ အဖြဲ႔ကြဲတာ မေၾကနပ္ၾကလို႔မ်ားလား၊ လားေပါင္းမ်ားစြာ ေပၚထြက္ခ့ဲတာပါ။

.
လုပ္ၾကံသူကို ဖမ္းမိၿပီး အေၾကာင္းရင္းသိရေတာ့ ပိုအ့ၾသစရာ ျဖစ္ခ့ဲၾကပါတယ္။ ပိုၿပီး ယူၾကံဳးမရ ျဖစ္ၾကရပါတယ္။ သတ္သူက ဘာအေၾကာင္းနဲ႔မွ မဟုတ္ပါဘူး၊ သူက ဂြၽန္လင္ႏြန္ခေရးဇီးပါ။ သူ႔ကိုသူ ဂြၽန္လင္ႏြန္ထင္ၿပီး တကယ့္ဂြၽန္က သူ႔အေယာင္ေဆာင္ၿပီး ေနေနတယ္ထင္ၿပီး ႐ွင္းလိုက္တာပါတ့ဲ။
.
တကယ္ကို ႐ူးေန႐ွာတာပါ။ ႐ူးခ်င္ေယာင္ေဆာင္တာေတာင္ မဟုတ္ပါ။ ခု အေမစုကိစၥမွာလည္း ဒါမ်ိဳးစိုးရိမ္မိပါတယ္။ မနာလိုလို႔ လုပ္ခ်င္သူ႐ွိႏိုင္သလို တကယ္႐ူးၿပီး လုပ္ခ်င္သူလည္း ေပၚလာႏိုင္ပါတယ္။ အေမစုက သိတ့ဲအတိုင္းဘဲ လူထုနဲ႔ အလြန္ထိေတြ႔ေတာ့ ဂ႐ုစိုက္ေပးၾကပါ ေဒၚခ်ယ္ရီထက္တို႔ အဖြဲ႔ေတြရယ္။ ေတာ္ၾကာ အ႐ူး အ႐ူးနဲ႔  ..... ။

XxXxX

(Unicode version)

   ဖေ့ဘုတ်ပေါ်မှာ ဒေါ်စုကို စိန်ခေါ်နေတ့ဲ တက္ကသိုလ်ဆရာမတယောက် တွေ့လိုက်တယ်။ ဖြေပြောသူတွေကတော့ စိတ်မမှန်လို့ပါတ့ဲ။ မကြာခဏ တွေ့ရတတ်တာက ဗိုလ်ချုပ်ကြေးရုပ်ဖျက်ဆီးသူတွေ အမေစုကို ဆဲနေသူတွေက စိတ်မမှန်သူတွေ ဖြစ်နေတတ်တာပါဘဲ။ အရူးတွေပေါ့။
.
နိုင်ငံပြန်လည်ဦးမော့လာရေးအတွက် အဓိကလုပ်ဆောင်နိုင်မယ်လို့ ပြည်သူတွေက မျှော်လင့်အားကိုးသူက အမေစုဘဲ ဖြစ်ပါတယ်။ ဒါကို မနာလိုတိုရှည်ဖြစ်နေသူတွေ ရှိနေတော့ လုပ်ကြံမှာ စိုးကြတာ သဘာဝပါ။ အရူး အရူးနဲ့ ခဏခဏမြင်ရတော့ စိတ်မချမ်းသာပါ။ သတိရတာ တခုပေါ်လာပါတယ်။
.
ကမ္ဘာ့ဂီတလောကမှာ ဘီတယ်လ်အဖွဲ့ဆိုတာ အရမ်းကျော်ကြားခ့ဲပါတယ်။ ၆၀ကျော်နှစ်များမှာ ကောင်မလေးတွေရဲ့ အသဲစွဲတီးဝိုင်းအဖြစ် အင်္ဂလန်မှာ စခ့ဲတာပါ။ နောက်ပိုင်း အမေရိကားအထိ ပြန့်နှံ့ပြီး ကမ္ဘာကျော် ခ့ဲတာပေါ့။ ခုထိလည်း နံပတ်တစ်အဖွဲ့အဖြစ် သတ်မှတ်ကြတုံးပါ။
.
အဲဒီတီးဝိုင်းကို စထောင်သူက သီဆိုသူ သီချင်းရေးဆရာ ဂျွန်လင်နွန်ပါ။ တဦးချင်းလည်း အောင်မြင်ခ့ဲသူပါ။ ၇၀နောက်ပိုင်း အဖွဲ့ကွဲသလိုဖြစ်ပြီး အမေရိကားမှာ သွားနေပါတယ်။ ၁၉၈၀ပြည့်နှစ်တရက် ညပိုင်းမှာ သူနေတ့ဲအိမ်ကနေ အပြင်ထွက်လမ်းလျောက်စဉ် လူငယ်တဦးရဲ့ လုပ်ကြံခံရပြီး ကွယ်လွန်ခ့ဲတာပါ။
.
တကမ္ဘာလုံး အံ့သြခ့ဲရတာပါ။ ဘယ်လိုအကြောင်းကြောင့် လုပ်ကြံရတာလည်း မေးခွန်းများစွာ ထွက်ပေါ်ခ့ဲပါတယ်။ စီးပွားရေးကြောင့်လား၊ အိမ်ထောင်ရေးကြောင့်လား (ဂျွန်က အ့ဲအချိန်မှာ နောက်ဇနီး ဂျပန်သူနဲ့ပါ)၊ အဖွဲ့ကွဲတာ မကြေနပ်ကြလို့များလား၊ လားပေါင်းများစွာ ပေါ်ထွက်ခ့ဲတာပါ။

.
လုပ်ကြံသူကို ဖမ်းမိပြီး အကြောင်းရင်းသိရတော့ ပိုအ့သြစရာ ဖြစ်ခ့ဲကြပါတယ်။ ပိုပြီး ယူကြုံးမရ ဖြစ်ကြရပါတယ်။ သတ်သူက ဘာအကြောင်းနဲ့မှ မဟုတ်ပါဘူး၊ သူက ဂျွန်လင်နွန်ခရေးဇီးပါ။ သူ့ကိုသူ ဂျွန်လင်နွန်ထင်ပြီး တကယ့်ဂျွန်က သူ့အယောင်ဆောင်ပြီး နေနေတယ်ထင်ပြီး ရှင်းလိုက်တာပါတ့ဲ။
.
တကယ်ကို ရူးနေရှာတာပါ။ ရူးချင်ယောင်ဆောင်တာတောင် မဟုတ်ပါ။ ခု အမေစုကိစ္စမှာလည်း ဒါမျိုးစိုးရိမ်မိပါတယ်။ မနာလိုလို့ လုပ်ချင်သူရှိနိုင်သလို တကယ်ရူးပြီး လုပ်ချင်သူလည်း ပေါ်လာနိုင်ပါတယ်။ အမေစုက သိတ့ဲအတိုင်းဘဲ လူထုနဲ့ အလွန်ထိတွေ့တော့ ဂရုစိုက်ပေးကြပါ ဒေါ်ချယ်ရီထက်တို့ အဖွဲ့တွေရယ်။ တော်ကြာ အရူး အရူးနဲ့ ..... ။