နဝတအဖွဲ့ လုပ်ရပ်ဆိုးသုံးခု

(Unicode version )




   နောက် သုံးလေးရက်ဆိုလျှင် မဆလပါတီကို မကြေနပ်၍ ရှစ်လေးလုံးဆန္ဒပြမှု နှစ်သုံးဆယ်ပြည့်ပါတော့မယ်။ ၈၈ သြဂုတ်လ ၈ ရက်နေ့မှာ အရှိန်အဟုန်မြှင့် စတင်ခ့ဲတ့ဲ ပြည်သူ့ဆန္ဒဖော်ထုတ်ပွဲကြောင့် ၆၂အာဏာသိမ်း စစ်တပ်ရဲ့ မဆလအစိုးရ ပြုတ်ကျလုနည်းနည်း ဖြစ်ခ့ဲပါတယ်။ မဟန်တော့ ဗိုလ်နေဝင်းရဲ့ စေခိုင်းမှုနဲ့ ဒုတိယအကြိမ် အာဏာသိမ်းပြီး နဝတဆိုတ့ဲ စစ်အဖွဲ့ပေါ်ပေါက်ခ့ဲပါတယ်။

.

နဝတရဲ့ လုပ်ရပ်တွေ ဘယ်လောက်တရားတယ်၊ ဘယ်လောက်အကျိုးရှိတယ်ကတော့ အမြင်ဘဲမို့ မပြောလိုတော့ပါ။ သူတို့ လုပ်ရပ်တွေထဲမှာ ကောက်ကျစ်ယုတ်မာလွန်းတယ်လို့ ယူဆတ့ဲ သုံးခုကို မေးခွန်းထုတ်ချင်ပါတယ်။

.

နဝတဟာ အဖွဲ့အစည်း ဖြစ်ခ့ဲတ့ဲအတွက် ဖြစ်သမျှကို ခေါင်းဆောင်က တာဝန်ယူရမှာပါ။ ဆုံးဖြတ်ချက်တွေကိုလည်း စည်းဝေးတိုင်ပင်ပြီး လုပ်ခ့ဲကြမှာပါ။ အလုပ်တခုကို ဒီလိုလုပ်သင့်တယ်လို့ တယောက်ယောက်ကတော့ တင်ပြရမှာပါ။ ပြီးမှ ဆွေးနွေးဆုံးဖြတ်ကြမှာပါဘဲ။ အခုပြောမ့ဲလုပ်ရပ်တွေကို နဝတအဖွဲ့ဝင်အားလုံးတောင် သဘောတူချင်မှ တူခ့ဲမှာပါ။ ဒီလို လုပ်သင့်တယ်လို့ တင်ပြခ့ဲတ့ဲသူက ဘယ်သူမှန်းမသိပေမ့ဲ အင်မတန် ကောက်ကျစ်ယုတ်မာခ့ဲတာပါ။

.

ပထမအချက်က ဆန္ဒပြပြည်သူတွေကို အပြင်းအထန် ရန်သူလိုသဘောထား နှိပ်ကွပ်ခ့ဲတာပါ။ စစ်ကြောရေးမှာနှိပ်စက်၊ ထောင်ထဲမှာနှိပ်စက်ခ့ဲတာတွေက ကိုလိုနီအင်္ဂလိပ်အစိုးရ ဖက်ဆစ်ဂျပန်အစိုးရတွေထက် ဆိုးခ့ဲပါတယ်။ နိုင်ငံရေးလုပ်ရင် ဆွေစဉ်မျိုးဆက်အထိ နှိပ်စက်တာပါ။ ဝန်ထမ်းလုပ်လို့မရအောင် ကျစ်တ့ဲအပြင် ကိုယ်ပိုင်စီးပွားရေးပါ လုပ်မရအောင် နှိပ်ကွပ်ခ့ဲတာပါ။ နိုင်ငံရေးယုံကြည်ချက်နဲ့ ထောင်ကျသူတွေကို မယုံကြည်နိုင်အောင် နှိပ်စက်ခ့ဲလို့ ပြန်လွတ်လာအပြီး ခုချိန်ထိ နောက်ဆက်တွဲဝေဒနာတွေ ခံစားနေကြရပါတယ်။ ဒီလို အပြင်းအထန်ဖိနှိပ်ရက်စက်ရမယ်လို့ ဘယ်သူ စ ညွှန်ကြား အမိန့်ပေးခ့ဲပါသလဲ။

.

ဒုတိယအချက်က ရှစ်လေးလုံးတော်လှန်ရေးအပြီး ဗိုလ်ချုပ်သမီး ဒေါ်အောင်ဆန်းစုကြည် ထင်ရှားလာပါတယ်။ တဆညပါတီရဲ့ အဓိကအတိုက်အခံ NLDပါတီ တည်ထောင်လာနိုင်ပါတယ်။ ဒေါ်အောင်ဆန်းစုကြည် ထင်ပေါ်မှုမရှိအောင်ဆိုပြီး နဝတဗိုလ်ချုပ်တွေ ကြီးမားသောအမှားတခု လုပ်လိုက်ပါတယ်။ မြန်မာပြည်လွတ်လပ်ရေးဖခင် ဗိုလ်ချုပ်အောင်ဆန်းကိုပါ မှေးမှိန်အောင် လုပ်ကြပါတော့တယ်။ ဒေါ်အောင်ဆန်းစုကြည် အမည်ကို အောင်ဆန်းဖြုတ်ပြီး စုကြည်ဘဲ ခေါ်ဝေါ်ခ့ဲတယ်။ ဗိုလ်ချုပ်တို့ကျဆုံးတ့ဲ အာဇာနည်နေ့ကို သာမန်အခန်းအနားအဆင့် လျော့ချခ့ဲတယ်။ ဗိုလ်ချုပ်ပုံပါတ့ဲ ငွေစက္ကူပုံကို တိရိစၧာန်ပုံတွေနဲ့ အစားထိုးခ့ဲတယ်။ နောက်ဆုံး ဗိုလ်ချုပ်ပုံလေးဆောင်တာနဲ့ အိမ်မှာချိတ်တာနဲ့တင် ထောင်ချခ့ဲတယ်။ ဒီလောက်ရူးသွတ်တ့ဲလုပ်ရပ်ကို လုပ်ဖို့ဘယ်သူတင်ပြခ့ဲပါသလဲ။

.

နောက်ဆုံးတခုက " ကျောင်းသားတွေစုနေလို့ ဆန္ဒပြကြတာ၊ ကျောင်းသားတွေကို ခွဲထုတ်ရမယ်ဆိုပြီး" တက္ကသိုလ်ကျောင်းတွေကို မြို့တွေကနေ အဝေးပထုတ်ခ့ဲပါတယ်။ ကျောင်းတွေပြန်မဖွင့်ရင် ကမ်ဘာကဟားမှာမို့ ပြန်ဖွင့်ပေးတာဖြစ်ပြီး စိတ်ရင်းက လုံးဝဖွင့်ပေးချင်မှာ မဟုတ်ပါ။ လယ်ကွက်တွေထဲမှာ တက္ကသိုလ်တွေဖွင့်ပြီး သင်ပေးတ့ဲပညာရေး အဆင့်အတန်းကိုလည်း ဂရုမစိုက်ခ့ဲပါဘူး။ ကျောင်းသားတွေ စာမေးပွဲကျရင် ဆူပူမှုဖြစ်မှာစိုးလို့ အကုန်အအောင်ပေးတ့ဲ စံနစ်စတင်ခ့ဲပါတယ်။ နောက်ပိုင်း အာဏာတည်မြဲလာမှသာ ဟန်ပြအနေနဲ့ ပညာရေးမြှင့်တင်မယ် လုပ်လာတာပါ။ မြန်မာ့ပညာရေး ဒီနှစ်သုံးဆယ်အတွင်း ဘယ်လောက်နိမ့်ကျခ့ဲသလဲ ယနေ့ကြုံတွေ့နေရပါပြီ။ တက္ကသိုလ်ေွကို မြို့ပြင်လယ်ကွက်ထဲရွှေ့ဖို့ ဘယ်သူတင်ပြခ့ဲပါသလဲ။

.

နဝတခေတ်က ဗိုလ်ချုပ်အချို့လည်း မရှိတော့ပါဘူး။ ကျန်သူအားလုံးလည်း အဖြုတ်ခံရပြီး အာဏာမရှိကြတော့ပါဘူး။ ကျန်နေသူတွေအနေနဲ့ အထက်ပါလုပ်ရပ်တခုချင်းကို ဘယ်သူက အကြံပေးလုပ်စေခ့ဲတယ်ဆိုတာ ဖော်ထုတ်ခ့ဲသင့်ပါတယ်။ လူအများစုအထင်ကတော့ တွင်း(၁) ဘဲပေါ့။ တွင်း(၁) ကိုခိုင်းနိုင်တ့ဲ သူ့အဖေကြီးများလား၊ ဒါမှမဟုတ် အခြား နဝတအဖွဲ့ဝင် တဦးများလား။

XxXxXx

(Zawgyi version)

   ေနာက္ သံုးေလးရက္ဆိုလွ်င္ မဆလပါတီကို မေၾကနပ္၍ ႐ွစ္ေလးလံုးဆႏၵျပမႈ ႏွစ္သံုးဆယ္ျပည့္ပါေတာ့မယ္။ ၈၈ ၾသဂုတ္လ ၈ ရက္ေန႔မွာ အ႐ွိန္အဟုန္ျမႇင့္ စတင္ခ့ဲတ့ဲ ျပည္သူ႔ဆႏၵေဖာ္ထုတ္ပြဲေၾကာင့္ ၆၂အာဏာသိမ္း စစ္တပ္ရဲ႕ မဆလအစိုးရ ျပဳတ္က်လုနည္းနည္း ျဖစ္ခ့ဲပါတယ္။ မဟန္ေတာ့ ဗိုလ္ေနဝင္းရဲ႕ ေစခိုင္းမႈနဲ႔ ဒုတိယအႀကိမ္ အာဏာသိမ္းၿပီး နဝတဆိုတ့ဲ စစ္အဖြဲ႔ေပၚေပါက္ခ့ဲပါတယ္။
.
နဝတရဲ႕ လုပ္ရပ္ေတြ ဘယ္ေလာက္တရားတယ္၊ ဘယ္ေလာက္အက်ိဳး႐ွိတယ္ကေတာ့ အျမင္ဘဲမို႔ မေျပာလိုေတာ့ပါ။ သူတို႔ လုပ္ရပ္ေတြထဲမွာ ေကာက္က်စ္ယုတ္မာလြန္းတယ္လို႔ ယူဆတ့ဲ သံုးခုကို ေမးခြန္းထုတ္ခ်င္ပါတယ္။
.
နဝတဟာ အဖြဲ႔အစည္း ျဖစ္ခ့ဲတ့ဲအတြက္ ျဖစ္သမွ်ကို ေခါင္းေဆာင္က တာဝန္ယူရမွာပါ။ ဆံုးျဖတ္ခ်က္ေတြကိုလည္း စည္းေဝးတိုင္ပင္ၿပီး လုပ္ခ့ဲၾကမွာပါ။ အလုပ္တခုကို ဒီလိုလုပ္သင့္တယ္လို႔ တေယာက္ေယာက္ကေတာ့ တင္ျပရမွာပါ။ ၿပီးမွ ေဆြးေႏြးဆံုးျဖတ္ၾကမွာပါဘဲ။ အခုေျပာမ့ဲလုပ္ရပ္ေတြကို နဝတအဖြဲ႔ဝင္အားလံုးေတာင္ သေဘာတူခ်င္မွ တူခ့ဲမွာပါ။ ဒီလို လုပ္သင့္တယ္လို႔ တင္ျပခ့ဲတ့ဲသူက ဘယ္သူမွန္းမသိေပမ့ဲ အင္မတန္ ေကာက္က်စ္ယုတ္မာခ့ဲတာပါ။
.
ပထမအခ်က္က ဆႏၵျပျပည္သူေတြကို အျပင္းအထန္ ရန္သူလိုသေဘာထား ႏွိပ္ကြပ္ခ့ဲတာပါ။ စစ္ေၾကာေရးမွာႏွိပ္စက္၊ ေထာင္ထဲမွာႏွိပ္စက္ခ့ဲတာေတြက ကိုလိုနီအဂၤလိပ္အစိုးရ ဖက္ဆစ္ဂ်ပန္အစိုးရေတြထက္ ဆိုးခ့ဲပါတယ္။ ႏိုင္ငံေရးလုပ္ရင္ ေဆြစဥ္မ်ိဳးဆက္အထိ ႏွိပ္စက္တာပါ။ ဝန္ထမ္းလုပ္လို႔မရေအာင္ က်စ္တ့ဲအျပင္ ကိုယ္ပိုင္စီးပြားေရးပါ လုပ္မရေအာင္ ႏွိပ္ကြပ္ခ့ဲတာပါ။ ႏိုင္ငံေရးယံုၾကည္ခ်က္နဲ႔ ေထာင္က်သူေတြကို မယံုၾကည္ႏိုင္ေအာင္ ႏွိပ္စက္ခ့ဲလို႔ ျပန္လြတ္လာအၿပီး ခုခ်ိန္ထိ ေနာက္ဆက္တြဲေဝဒနာေတြ ခံစားေနၾကရပါတယ္။ ဒီလို အျပင္းအထန္ဖိႏွိပ္ရက္စက္ရမယ္လို႔ ဘယ္သူ စ ၫႊန္ၾကား အမိန္႔ေပးခ့ဲပါသလဲ။
.
ဒုတိယအခ်က္က ႐ွစ္ေလးလံုးေတာ္လွန္ေရးအၿပီး ဗိုလ္ခ်ဳပ္သမီး ေဒၚေအာင္ဆန္းစုၾကည္ ထင္႐ွားလာပါတယ္။ တဆညပါတီရဲ႕ အဓိကအတိုက္အခံ NLDပါတီ တည္ေထာင္လာႏိုင္ပါတယ္။ ေဒၚေအာင္ဆန္းစုၾကည္ ထင္ေပၚမႈမ႐ွိေအာင္ဆိုၿပီး နဝတဗိုလ္ခ်ဳပ္ေတြ ႀကီးမားေသာအမွားတခု လုပ္လိုက္ပါတယ္။ ျမန္မာျပည္လြတ္လပ္ေရးဖခင္ ဗိုလ္ခ်ဳပ္ေအာင္ဆန္းကိုပါ ေမွးမွိန္ေအာင္ လုပ္ၾကပါေတာ့တယ္။ ေဒၚေအာင္ဆန္းစုၾကည္ အမည္ကို ေအာင္ဆန္းျဖဳတ္ၿပီး စုၾကည္ဘဲ ေခၚေဝၚခ့ဲတယ္။ ဗိုလ္ခ်ဳပ္တို႔က်ဆံုးတ့ဲ အာဇာနည္ေန႔ကို သာမန္အခန္းအနားအဆင့္ ေလ်ာ့ခ်ခ့ဲတယ္။ ဗိုလ္ခ်ဳပ္ပံုပါတ့ဲ ေငြစကၠဴပံုကို တိရိစၧာန္ပံုေတြနဲ႔ အစားထိုးခ့ဲတယ္။ ေနာက္ဆံုး ဗိုလ္ခ်ဳပ္ပံုေလးေဆာင္တာနဲ႔ အိမ္မွာခ်ိတ္တာနဲ႔တင္ ေထာင္ခ်ခ့ဲတယ္။ ဒီေလာက္႐ူးသြတ္တ့ဲလုပ္ရပ္ကို လုပ္ဖို့ဘယ္သူတင္ျပခ့ဲပါသလဲ။
.
ေနာက္ဆံုးတခုက " ေက်ာင္းသားေတြစုေနလို႔ ဆႏၵျပၾကတာ၊ ေက်ာင္းသားေတြကို ခြဲထုတ္ရမယ္ဆိုၿပီး" တကၠသိုလ္ေက်ာင္းေတြကို ၿမိဳ႕ေတြကေန အေဝးပထုတ္ခ့ဲပါတယ္။ ေက်ာင္းေတြျပန္မဖြင့္ရင္ ကမ႓ာကဟားမွာမို႔ ျပန္ဖြင့္ေပးတာျဖစ္ၿပီး စိတ္ရင္းက လံုးဝဖြင့္ေပးခ်င္မွာ မဟုတ္ပါ။ လယ္ကြက္ေတြထဲမွာ တကၠသိုလ္ေတြဖြင့္ၿပီး သင္ေပးတ့ဲပညာေရး အဆင့္အတန္းကိုလည္း ဂ႐ုမစိုက္ခ့ဲပါဘူး။ ေက်ာင္းသားေတြ စာေမးပြဲက်ရင္ ဆူပူမႈျဖစ္မွာစိုးလို႔ အကုန္အေအာင္ေပးတ့ဲ စံနစ္စတင္ခ့ဲပါတယ္။ ေနာက္ပိုင္း အာဏာတည္ျမဲလာမွသာ ဟန္ျပအေနနဲ႔ ပညာေရးျမႇင့္တင္မယ္ လုပ္လာတာပါ။ ျမန္မာ့ပညာေရး ဒီႏွစ္သံုးဆယ္အတြင္း ဘယ္ေလာက္နိမ့္က်ခ့ဲသလဲ ယေန႔ၾကံဳေတြ႔ေနရပါၿပီ။ တကၠသိုလ္ေြကို ၿမိဳ႕ျပင္လယ္ကြက္ထဲေရႊ႔ဖို႔ ဘယ္သူတင္ျပခ့ဲပါသလဲ။
.
နဝတေခတ္က ဗိုလ္ခ်ဳပ္အခ်ိဳ႕လည္း မ႐ွိေတာ့ပါဘူး။ က်န္သူအားလံုးလည္း အျဖဳတ္ခံရၿပီး အာဏာမ႐ွိၾကေတာ့ပါဘူး။ က်န္ေနသူေတြအေနနဲ႔ အထက္ပါလုပ္ရပ္တခုခ်င္းကို ဘယ္သူက အၾကံေပးလုပ္ေစခ့ဲတယ္ဆိုတာ ေဖာ္ထုတ္ခ့ဲသင့္ပါတယ္။ လူအမ်ားစုအထင္ကေတာ့ တြင္း(၁) ဘဲေပါ့။ တြင္း(၁) ကိုခိုင္းႏိုင္တ့ဲ သူ႔အေဖႀကီးမ်ားလား၊ ဒါမွမဟုတ္ အျခား နဝတအဖြဲ႔ဝင္ တဦးမ်ားလား။