အီရတ်မှာရောက်နေတဲ့ အီရန်ရဲ့ သြဇာအကြီးဆုံးတပ်မှုး ဗိုလ်ချုပ်ကြီးကို အမေရိကန်စစ်တပ်က နည်းပညာမြင့် မောင်းသူမဲ့လေယာဥ်ပျံငယ် ဒရုန်းသုံးပြီး လုပ်ကြံလိုက်ပါတယ်။ အီရန်အစိုးရအတွက် အရှိုက်ထိခဲ့ပြီး ပြန်တုန့်ပြန်မယ်လို့ ဟစ်ကြွေးနေပါတယ်။
.
အီရန်ရဲ့ အယာတိုလာတွေ ဒီတကြိမ် စဥ်းစားရပါတော့မယ်။ မိမိသိက္ခာ ဆယ်တင်တဲ့အနေနဲ့ အမေရိကန်ကိုတိုက်မယ်ဆိုရင် အမေရီးကားတိုက်ပြင်ပမှာရှိတဲ့ အမေရိကန်လို့ခေါ်နိုင်တာလေးတွေကိုဘဲ တိုက်လို့ရပါမယ်။ နိုင်းအလဲဗဲန်းတုံးကလိုတောင် တိုက်ဖို့မလွယ်လောက်တော့ပါ။
.
အဲ့လို မထိခလုတ်လုပ်ရင် အမေရိကန်ကတော့ တီဟီရန်မှ အယာတိုလာတို့ကို တိုက်ရိုက်ဆော်မယ်ထင်ပါတယ်။ အီရန် ပြည်သူပြည်သားတွေ ဘယ်လောက် အစိုးရနောက်မှာရှိမလည်း မသိပေမယ့် အလံချနင်းတာရယ်၊ မီးရှို့တာရယ်၊ ရင်ဘတ်ထုအော်တာရယ်ဘဲ လုပ်လို့ရပါမယ်။ အလှမ်းဝေးလွန်းတာကြောင့် စစ်ပွဲပုံစံ တုန့်ပြန်ဖို့မလွယ်ဘဲ အကြမ်းဖက်မှုလို့ သတ်မှတ်ခံရမယ်ပုံစံဘဲ တုန့်ပြန်နိုင်မယ် ထင်ပါတယ်။
.
အာရပ်ကမ္ဘာကတော့ နိုင်ငံအားလုံးဂျီဟတ်တောင် အော်မယ်မထင်ပါ။ အီရန်က အစ္စလမ်ကြီးစိုးပေမယ့် မျိုးမတူတဲ့အပြင် အာရပ်လည်းမဟုတ်၊ တည့်လည်း မတည့်ကြဘူးလေ။ အစ္စလမ်ကမ္ဘာမှာ အီရန်ကြီးစိုးမှာ နဂိုရ်ကတည်းက စိုးရိမ်နေကြတာ မဟုတ်ပါလား။
.
တိုက်ရိုက် မသက်ဆိုင်တဲ့ နိုင်ငံတွေကလည်း ၁၉၅၀ကျော် စစ်အေးခေတ်ကလို အရင်းရှင်ဗိုလ်ကျမှုဆိုပြီး အော်ကြမှာ မဟုတ်တော့ပါ။ တရုပ် ရုရှနဲ့ အိုအိုင်စီအဖွဲ့ကတောင် အမေရိကန်လုပ်ကြံမှုကို ပြင်းထန်တဲ့ရှုတ်ချမှုလုပ်တာ မတွေ့ရသေးပါ။ မိမိနိုင်ငံဆီ မရောက်သေးပေမယ့် အကြမ်ဖက်ဝါဒီတွေ မရှိရင်ပိုကောင်းမယ်ဆိုပြီး ငြိမ်နေကြတယ်ထင်ပါတယ်။ အရင် မြန်မာစစ်အစိုးရဆိုရင်တောင် ခေတ်သစ်နယ်ချဲ့ငပွကြီးတို့ ဘာတ်ို့ ပြောရဲမယ် မထင်မိဘူး။ တကယ်ဆော်မယ့် အမေရိကန်လို့ ထင်နေကြပြီလေ။
No comments:
Post a Comment
Thank you.