၇၂နှစ်မြောက်လွတ်လပ်ရေးနေ့ တံဆိပ်ခေါင်း

   ၇၂နှစ်မြောက် လွတ်လပ်ရေးနေ့ အထိမ်းအမှတ် တံဆိပ်ခေါင်းထုတ်ပါတယ်။ ၂၀၀ကျပ်တန် တံဆိပ်ခေါင်း ၃မျိုးထုတ်ဝေပါတယ်။ တံဆိပ်ခေါင်းပေါ်က ပုံတွေနဲ့ FDC လည်း ထုတ်ပါတယ်။ ၂၀၀ကျပ်တန်ပါဘဲ။
.
ဒီခေတ်မှာ တံဆိပ်ခေါင်းစုသူ ရှားလာပါပြီ။ ခုခေတ်လူငယ်တွေက စာထည့်တာ၊ တံဆိပ်ခေါင်းအသုံးပြုတာ မရှိတော့ပါဘူး။ သူတို့စိတ်ဝင်စားလာအောင် ပုံကောင်းကောင်းလှလှလေးတွေနဲ့ ထုတ်ဝေသင့်ပါပြီ။
.
၁၉၈၈နောက်ပိုင်း အထူးသဖြင့် လွတ်လပ်ရေးနေ့ထုတ် တံဆိပ်ခေါင်းတွေဟာ ပိုစတာပုံကြီးတွေပါဘဲ။ ပိုစတာတွေက ဆိုဒ်ကြီးတော့ ပုံတွေမြင်ရနိုင်ပေမယ့် တလက်မပတ်လည် စာရွက်ကလေးပေါ်မှာတော့ ဘာတွေမှန်းကို မသိသာတော့ပါဘူး။ လူစိတ်ဝင်စားမှု လျော့ကျစေပါတယ်။ ဒီအချိန်က ဝါဒဖြန့်ချီရေး လုပ်နေရမယ့် အချိန်လည်း မဟုတ်တော့ပါဘူး။
.
ဒီအချက်ကို ပေါ်လွင်အောင်လို့ ခါတိုင်းလို MYANMAR POST ကထုတ်တဲ့ FDC ပုံ မဖော်ပြတော့ဘဲ Myanmar Philatelic Society (မြန်မာ စာပို့ဝါသနာရှင်များအသင်း)က ထုတ်တဲ့ FDC ဘဲ ဖော်ပြလိုက်ပါတယ်။