လိမ္မော်သီးတွေ ရဲဒင်းနဲ့ထုတဲ့ကိစ္စ ကျနော် နားမလည်တာ များသွားတယ်။
.
တရားမဝင်စျေးသည်ကိုဖမ်းမယ်။ ပိုက်ဆံယူပြီးပြန်လွှတ်တယ်။ ဒါပုံမှန်ဘဲ။
.
ပိုက်ဆံက ကြိုယူထားပြီးပြီ။ အထက်က လမ်းကြောင်းရှိလို့ ရှင်းခိုင်းရင် ဖမ်းမယ့်အရေး အသံပေးနေတာ မီးသတ်ကားလာတာထက် ပိုသိသာတယ်။ စျေးသည်ပြေးချိန်ရအောင်လို့။ ဒါလည်း ပုံမှန်ဘဲ။
.
ပိုက်ဆံမပေးတဲ့စျေးသည်ကို ပိုင်ချိန်ရွေးဖမ်းတယ်။ လိုချင်တဲ့ပစ္စည်းယူတယ်။ ဒဏ်တပ်ပြီးပြန်လွှတ်တယ်။ ဒါလုပ်နေကျဘဲ။
.
ခုတော့ ဖမ်းမိပစ္စည်း လိမ္မော်သီးတွေ ယူလည်းမသွား၊ လာဘ်ငွေယူပြီး ပြန်လည်းလွှတ်မပေးဘဲ ရဲဒင်းနဲ့ထုချေတာတော့ နားမလည်နိုင်ဘူး။ ဒါကို ဗီဒီယိုရိုက်ပြီးလွှင့်တယ်။ ပိုနားမလည်တော့ဘူး။
.
စည်းကမ်းပျက်တဲ့သူ ဖမ်းတယ်။ မတရားဖျက်ဆီးလို့ စည်းကမ်းပျက်ဈေးသည်ကို ဝိုင်းသနားကြတာ စီမံခန့်ခွဲသူတွေ ဘယ်လောက်ညံ့လည်းပြရာ ရောက်တာဘဲ။ မြို့တော်ဝန်နဲ့ ရန်ကုန်ဝန်ချုပ်ကို ဆဲကုန်ကြတယ်။ ဖေ့ဘုတ်ယဥ်ကျေးမှုဘဲ အောက်မေ့ပါတယ်။
.
ဒီမှာ ပို့စ်တွေကရေးကြသေးတယ်။ ဟိုးအရင်ကဆိုရင်တော့ ကိုယ်နားမလည်နိုင်အောင် ထူးဆန်းတဲ့ကိစ္စတွေဖြစ်ရင် ဒါယတျာချေတာဘဲလို့ လုပ်ကြတယ်။ ဒီခေတ်တော့ နောက်ကွယ်ကလက်မဲကြီးတွေရဲ့ လက်ချက်တဲ့။ လုံးဝကို နားမလည်တော့ပါခင်ဗျား။
No comments:
Post a Comment
Thank you.