ခင်၀မ်း - ၃
ခင်၀မ်း သီချင်းများတွင် စာသားအားလုံး အလွန်သဘောကျသည် ။ မမျှော်လင့်တ့ဲအချိန်မှာ မျှော်လင့်ခြင်းတွေ ဆုံးရှုံးသွားတ့ဲအခါ စာသားမျိုး ၊ အဖေါ်မ့ဲခြင်း အဖေါ်မွန် ဆိုသောစာသားမျိုးမှာ ဆုတစ်ခုခုရသင့်သော စာသားမျိုးပင် ။ အင်း နဲနဲတော့စောင့်ကြပါဦးလေ ။
" နင့်ကိုငါချစ်နေတုံးဘဲ မိနီ " သီချင်းကိုစိတ်ပျက်မိ်သောလည်း ခင်၀မ်း ကိုးကွယ်စိတ်နှင့် ခွှင့်လွှတ်ခဲ့သည် ။ Series များတွင် " ည " ကို မကြိုက်ဆုံး ြဖြစ်သော်လည်း အခြားအဆိုကျော်များထက် ပိုကြိုက်သည် ဟုမိမိဖာသာ ယူဆထားသည် ။ " လိပ်ပြာလွင်ပြင် " နှင့် " ကစားမလား၊နားမလား " အခွေ ထွက်စ နားထောင်စဉ်က သီချင်းများလေးသဖြင့် မကြိုက်ခ့ဲ ၊ တဖြေးဖြေး နားထောင်ပါများမှ ကြိုက်ခ့ဲသည် ။ ခင်၀မ်း သီချင်းအားလုံးသည် နားထောင်ပါများလျှင်ကြိုက်သွားမည်မှာ အသေအချာ ဖြစ်သည် ။ ခင်၀မ်း သီချင်း ကိုသာမာန်နားထောင်သူရှားသည် ။ အလွန်ကြိုက်သောသူနှင့် ဘာကြီးမှန်းမသိပါဘူးကွာ ဟုပြောမည့်သူ နှစ်မျိုးသာရှိလိမ့်မည် ။ ဆေးသမားများ နားထောင်သောသီချင်းဟု ပြောတာလဲကြားဖူးသည် ။ သနားစရာ ၊ အကောင်းနှင့် မတန်သူများပင် ။
အဆောင်တွင်နေစဉ် ကလဲ ကျွန်တော်ပြောလွန်းသဖြင့် သူငယ်ချင်းများ နားထောင်ကြသည် ။ တခါထဲ ဆဲကြတော့သည် ။ ဒီအထဲ ဆရာ မြသန်းတင့် ဘာသာပြန် The Fall of Paris ကိုဖတ်ထားသော ကျွန်တော်က "နှင်း " သီချင်းနှင့် "တောင်ပေါ်သူ(သို့ ) လွမ်းတေး" သီချင်းလာလျှင် ခဏ မတ်တတ်ရပ်ကြပါဟု ပြောသည် ၊ သူငယ်ချင်းများ က ဘာဖြစ်တာလဲ ဟုမေးရာ "ငါ သမတ ဖြစ်လျှင် နိုင်ငံတော်သီချင်း လုပ်မလို့ ၊ ခုကတည်းက အကျင့်ဖြစ်အောင် မင်းတို့ကို မတ်တတ်ရပ်ခိုင်းတာ" ဟုပြောရာ ၀ိုင်းဆဲသံများ ဆူညံသွားတော့သည် ။ ခင်၀မ်း သီချင်းကြားလျှင် ကျွန်တော့်ကို သတိရကြမည်ထင်ပါသည် ။ ။
No comments:
Post a Comment
Thank you.