၂၀၂၀ပြည့်နှစ် နှစ်ကုန်ပိုင်းမှာ ရွေးကောက်ပွဲရှိမယ်။ ဒီတော့ ခုကစပြီး သတင်းမှားတွေကို ဂရုပြုဖို့ လိုလာပြီ။ သတင်းတခုတွေ့ရင် ချက်ချင်းမယုံလိုက်ဘဲ ဖေ့ဘုတ်ပေါ် လိုက်ရှာကြည့်လိုက်ရင် အမှန်အမှားသိနိုင်မှာပါ။
.
တချို့ပါတီတွေ အဖွဲ့တွေက ပိုက်ဆံမြောက်များစွာသုံးပြီးကို လူတွေအထင်မှားအောင် လုပ်နေကြတာ။ ဘာသာရေး လူမျိုးရေး နိုင်ငံရေး ခေါင်းစဥ်မျိုးစုံကနေ လူထုကို အမှားမှိုင်းတိုက်နေကြတာ။ ဘယ်သူတွေ ဘယ်အဖွဲ့တွေလည်း သိကြမှာပါ။
.
အဲဒီထဲကတခုက နာဂစ်ခြေဥမှာပါတဲ့ ၅၉(စ)သည် ဗိုလ်ချုပ်ဆွဲပေးခဲ့တဲ့ ၁၉၄၇ခြေဥကတည်းက ပါတယ်ဆိုပြီး ဗိုလ်ချုပ်ကို တသက်လုံးပယ်ထားသူတွေက အမှားမှိုင်းတိုက်ကြတယ်။ ၄၇ခြေဥမှာ ကိုယ်တိုင်နဲ့ မိဘနှစ်ပါးသာ မြန်မာပြည်မှာမွေးတဲ့ မြန်မာနိုင်ငံသားဖြစ်ရမယ်ဘဲ ပါပါတယ်။
.
နောက်ဆုံး လိမ်စဥ်အမှားမှိုင်းထဲမှာ အဆိုးဆုံးက လွှတ်တော်ထဲအထိ ရောက်လာတာပါ။ အမေရိကန်သမတဖြစ်ခွင့်ကို ဘာသာရေးအယူနဲ့ ပိတ်ထားတယ်ဆိုပြီး လွှတ်တော်ထဲ ဆလိုက်ထိုးတင်ပြတာပါ။ သာမန်လူဆို လွှတ်တော်ထဲ အမတ်တယောက်ကပြောတာဆိုတော့ အမှန်ဘဲ ထင်သွားနိုင်ပါတယ်။ လုံးဝမမှန်တာပြောပြီး လူထုကိုလိမ်ဖို့ ကြိုးစားတာပါ။
.
ဒါတွေအပြင် သူတို့လိမ်ညာမှိုင်းတိုက်နေကြ ဒေါ်အောင်ဆန်းစုကြည်က မူစလင်ဘာသာထဲ တိတ်တဆိတ်ဝင်ထားတယ်။ NLD နိုင်ရင် အစ္စလမ်နိုင်ငံ ဖြစ်သွားမယ်။ ရခိုင်ပြည်ကို ခွဲပေးလိုက်မယ်စသဖြင့်ပေါ့။ ဒါတွေကို စဥ်းစားနိုင်သူတိုင်း သိနိုင်ပေမယ့် ဝေဝါးနေသူတွေကို ထင်ယောင်ထင်မှားဖြစ်အောင် ပြောနေတာပါ။
.
အလိမ်အညာ အမှားမှိုင်းတွေကို သိရှိနားလည်နေသူတွေက တဆင့်စကား ပြောပြီးဖြစ်စေ၊ ဖေ့ဘုတ်ကတဆင့်ဖြစ်စေ ပြန်ရှင်းပေးကြစေလိုပါတယ်။ အမှန်တွေ ရှယ်ပေးကြဖို့လိုပါတယ်။ မဟုတ်ရင် အယူတိမ်းတဲ့ နတ်စိမ်းတွေ ဖြစ်ကုန်မဆိုးလို့ပါဗျာ။ ။
No comments:
Post a Comment
Thank you.