ရန်ကုန် အထပ်မြင့်အဆောက်အဦးကိစ္စ ၂

(Unicode version)


      ရန်ကုန်မြို့မှာ ဆောက်လုပ်ခွင့်ရပ်ခံထားရတ့ဲ အထပ်မြင့် အဆောက်အဦး ၁၂လုံး ပြန်ဆောက်လုပ်ခွင့် ပြုလိုက်ပါတယ်။ ပြန်လည်စီစစ်ဖို့ ရပ်ခိုင်းချိန်မှာ ဆူညံသံ များစွာထွက်ခ့ဲတ့ဲကိစ္စပါ။

.

     နဂိုရ်ကတည်းက ကျဆင်းနေတ့ဲ ဆောက်လုပ်ရေးလောက ဒီအမိန့်ကြောင့် ဖြစ်သလို စွပ်စွဲကြပါတယ်။ အခြေခံအလုပ်သမားတွေ ဒီအမိန့်ကြောင့် စားစရာမရှိ အခက်တွေ့ကုန်ပြီ အော်ကြပါတယ်။ ဖြစ်နိုင်ပါတယ်။ ဒါပေမ့ဲ အော်သူတွေ ဘာကြောင့်အော်တယ်ဆိုတာ ခဏနဲ့ ပေါ်လာပါတယ်။ လုပ်ငန်းရှင်ကြီးတွေ ဒေါ်လာဘီလီယံနဲ့ချီပြီး ရှုံးပါတော့မယ်တ့ဲ။ နှစ်ကုန်လို့ အခွန်တိုးမရဘူးဆိုရင် သေချာစစ်ကြပါတော့။

.

     ဒီအမိန့်ကို ရန်ကုန်တိုင်းဝန်ကြီးချုပ်က ထုတ်လိုက်တာဆိုတော့ သူ့ကို မေတ္တာပို့ကြပါတယ်။ သူက အရမ်းလုပ်တာမဟုတ်ပါဘူး။ သက်ဆိုင်ရာ မြို့ပြပညာရှင်တွေ အဆောက်အဦးဘက်ဆိုင်ရာ အင်ဂျင်နီယာတွေကို ဒီအဆောက်အဦးတွေ သတ်မှတ်ချက်တွေနဲ့ ညီမညီ မေးပြီးတော့ လိုတာတွေ ပြင်ခိုင်းလိုက်ဟန်တူပါတယ်။ အဲဒီအချိန်က ထွက်လာတ့ဲ အဆောက်အဦး တခုရဲ့ကားပါကင်ဆို ရယ်စရာပါ။ ကားများများဆန့်အောင် ကားတွေကို စီထည့်ပြထားတယ်။ ကားအတက်အဆင်းလုပ်စရာ နေရာမပြောနဲ့ မောင်းစရာလမ်းတောင် မပါဘူးဗျ။ ဒါမျိုးတွေကို အရင်ခေတ်က ဘယ်လိုပါမစ် ပေးခ့ဲသလဲ လူတိုင်းသိပါတယ်။

.

     သေချာတာကတော့ ဒီတကြိမ် စီစစ်လိုက်တာဟာ ကွီးဖြိုး သူ့အိမ်ကို လာဂါအောင် လုပ်တာမဟုတ်တာပါဘဲ။ နောက်ဆောက်မ့ဲသူများလဲ သတိထားမိသွားလောက်ပါပြီ။ အမိန့်ထုတ်ရတ့ဲရည်ရွယ်ချက်က လုပ်ငန်းရှင်တွေ စီးပွားပျက်အောင် ထုတ်တာမှမဟုတ်ဘဲ။ စည်းကမ်းနဲ့ညီအောင် လုပ်ရတာပါ။ စည်းပျက်တာလဲ ရန်ကုန်စည်ပင်မှာ အရမ်းများခဲ့ပြီလေ။ စည်ပင်ရော လုပ်ငန်းရှင်တွေရော အဆင်ပြေမ့ဲ နည်းဥပဒေတွေ ထုတ်သင့်ပါပြီ။ အဆောက်အဦး ခိုင်ခန့်မှု့ဆိုင်ရာ အင်ဂျင်နီယာနည်းပညာပိုင်း များလွန်းရင်လဲ ကုန်ကျစားရိတ် များသွားပါမယ်။ စီးပွားရေးဆန်လွန်းရင်လဲ ပြိုကျပြီး ဆုံးရှုံးမှုတွေ ဖြစ်ပေါ်မှာပါ။ compromise ပေါ့ဗျာ။

.

     အစိုးရဆန့်ကျင်သူတွေ ဘာပြောပြော ကွီးဖြိုးကတော့ မှန်မှန်ချီတက်ဆဲပါ။ သင်္ကြန်မဏ္႑ပ်က စလိုက်တာ ဒီပွဲအထိ အစွမ်းပြနေဆဲပါ။ နောင်လပြနိုင်ပါစေလို့ ပြည်သူတဦးအနေနဲ့ ဆုတောင်းပါတယ်။ အဲ နောက်ထပ် NLDအစိုးရနဲ့ ပြည်သူတွေ ရလိုက်တ့ဲ အမြတ်တခု ရှိပါသေးတယ်။ အဲဒါကတော့ မိမိအကျိုးစီးပွားထိခိုက်လာရင် မိမိပါတီအရေးကို နောက်တန်းပို့ပစ်တ့ဲ #ဒေါင်းယောင်ဆောင်သော_ကျီးတွေ တွေ့လိုက်ရတာပေါ့ ခင်ဗျား။ ။ 

XxXxXx

(Zawgyi version )
 

    ရန္ကုန္ၿမိဳ႕မွာ ေဆာက္လုပ္ခြင့္ရပ္ခံထားရတ့ဲ အထပ္ျမင့္ အေဆာက္အဦး ၁၂လံုး ျပန္ေဆာက္လုပ္ခြင့္ ျပဳလိုက္ပါတယ္။ ျပန္လည္စီစစ္ဖို႔ ရပ္ခိုင္းခ်ိန္မွာ ဆူညံသံ မ်ားစြာထြက္ခ့ဲတ့ဲကိစၥပါ။
.
     နဂိုရ္ကတည္းက က်ဆင္းေနတ့ဲ ေဆာက္လုပ္ေရးေလာက ဒီအမိန္႔ေၾကာင့္ ျဖစ္သလို စြပ္စြဲၾကပါတယ္။ အေျခခံအလုပ္သမားေတြ ဒီအမိန္႔ေၾကာင့္ စားစရာမ႐ွိ အခက္ေတြ႔ကုန္ၿပီ ေအာ္ၾကပါတယ္။ ျဖစ္ႏိုင္ပါတယ္။ ဒါေပမ့ဲ ေအာ္သူေတြ ဘာေၾကာင့္ေအာ္တယ္ဆိုတာ ခဏနဲ႔ ေပၚလာပါတယ္။ လုပ္ငန္း႐ွင္ႀကီးေတြ ေဒၚလာဘီလီယံနဲ႔ခ်ီၿပီး ႐ႈံးပါေတာ့မယ္တ့ဲ။ ႏွစ္ကုန္လို႔ အခြန္တိုးမရဘူးဆိုရင္ ေသခ်ာစစ္ၾကပါေတာ့။
.
     ဒီအမိန္႔ကို ရန္ကုန္တိုင္းဝန္ႀကီးခ်ဳပ္က ထုတ္လိုက္တာဆိုေတာ့ သူ႔ကို ေမတၱာပို႔ၾကပါတယ္။ သူက အရမ္းလုပ္တာမဟုတ္ပါဘူး။ သက္ဆိုင္ရာ ၿမိဳ႕ျပပညာ႐ွင္ေတြ အေဆာက္အဦးဘက္ဆိုင္ရာ အင္ဂ်င္နီယာေတြကို ဒီအေဆာက္အဦးေတြ သတ္မွတ္ခ်က္ေတြနဲ႔ ညီမညီ ေမးၿပီးေတာ့ လိုတာေတြ ျပင္ခိုင္းလိုက္ဟန္တူပါတယ္။ အဲဒီအခ်ိန္က ထြက္လာတ့ဲ အေဆာက္အဦး တခုရဲ႕ကားပါကင္ဆို ရယ္စရာပါ။ ကားမ်ားမ်ားဆန္႔ေအာင္ ကားေတြကို စီထည့္ျပထားတယ္။ ကားအတက္အဆင္းလုပ္စရာ ေနရာမေျပာနဲ႔ ေမာင္းစရာလမ္းေတာင္ မပါဘူးဗ်။ ဒါမ်ိဳးေတြကို အရင္ေခတ္က ဘယ္လိုပါမစ္ ေပးခ့ဲသလဲ လူတိုင္းသိပါတယ္။
.
     ေသခ်ာတာကေတာ့ ဒီတႀကိမ္ စီစစ္လိုက္တာဟာ ကီြးၿဖိဳး သူ႔အိမ္ကို လာဂါေအာင္ လုပ္တာမဟုတ္တာပါဘဲ။ ေနာက္ေဆာက္မ့ဲသူမ်ားလဲ သတိထားမိသြားေလာက္ပါၿပီ။ အမိန္႔ထုတ္ရတ့ဲရည္ရြယ္ခ်က္က လုပ္ငန္း႐ွင္ေတြ စီးပြားပ်က္ေအာင္ ထုတ္တာမွမဟုတ္ဘဲ။ စည္းကမ္းနဲ႔ညီေအာင္ လုပ္ရတာပါ။ စည္းပ်က္တာလဲ ရန္ကုန္စည္ပင္မွာ အရမ္းမ်ားခဲ့ၿပီေလ။ စည္ပင္ေရာ လုပ္ငန္း႐ွင္ေတြေရာ အဆင္ေျပမ့ဲ နည္းဥပေဒေတြ ထုတ္သင့္ပါၿပီ။ အေဆာက္အဦး ခိုင္ခန္႔မႈ့ဆိုင္ရာ အင္ဂ်င္နီယာနည္းပညာပိုင္း မ်ားလြန္းရင္လဲ ကုန္က်စားရိတ္ မ်ားသြားပါမယ္။ စီးပြားေရးဆန္လြန္းရင္လဲ ၿပိဳက်ၿပီး ဆံုး႐ႈံးမႈေတြ ျဖစ္ေပၚမွာပါ။ compromise ေပါ့ဗ်ာ။
.
     အစိုးရဆန္႔က်င္သူေတြ ဘာေျပာေျပာ ကီြးၿဖိဳးကေတာ့ မွန္မွန္ခ်ီတက္ဆဲပါ။ သၾကၤန္မ႑ပ္က စလိုက္တာ ဒီပြဲအထိ အစြမ္းျပေနဆဲပါ။ ေနာင္လျပႏိုင္ပါေစလို႔ ျပည္သူတဦးအေနနဲ႔ ဆုေတာင္းပါတယ္။ အဲ ေနာက္ထပ္ NLDအစိုးရနဲ႔ ျပည္သူေတြ ရလိုက္တ့ဲ အျမတ္တခု ႐ွိပါေသးတယ္။ အဲဒါကေတာ့ မိမိအက်ိဳးစီးပြားထိခိုက္လာရင္ မိမိပါတီအေရးကို ေနာက္တန္းပို႔ပစ္တ့ဲ #ေဒါင္းေယာင္ေဆာင္ေသာ_က်ီးေတြ ေတြ႔လိုက္ရတာေပါ့ ခင္ဗ်ား။ ။