ကမ္ဘာမှာ သက်သာလာပေမယ့် အရှေ့တောင်အာရှမှာ ဆိုးလာတယ်။ မြန်မာနဲ့ပတ်ဝန်းကျင် နိုင်ငံတွေ ဝူစံချိန်သစ်တွေနဲ့ကြီး။ ကွာတာက အခြားနိုင်ငံတွေမှာ ကာကွယ်ဆေးအတွက် စီမံနိုင်နေပေမယ့် မြန်မာပြည်မှာ လေနဲ့တောင် မစီမံနိုင်ဘူး။ စေတနာမပါသလို၊ ပါရင်တောင် စီမံနိုင်ဖို့ ဥာဏ် ငွေကြေးနဲ့ အဆက်အသွယ်မရှိပါ။
.
ကာကွယ်ဆေးကလည်း မျိုးစိတ်သစ်အတွက် စိတ်ချရတယ်ပြောပေမယ့် ထိပ်တန်း ဆေးကုမ္ပဏီနှစ်ခုက သေချာအောင် တတိယအကျော့ထိုးရမယ်။ အသံထွက်လာပြီ။ ရှေ့တပတ်ထဲ တင်ပြလိမ့်မယ်။ ဒီလိုနဲ့ တကျော့ပြီးတကျော့ ထိုးနေရရင် ဆင်းရဲတဲ့နိုင်ငံသားတွေ တကျော့ထိုးဖိုးတောင် တော်တော်စောင့်ရမယ့် သဘောဘဲ။
.
ဝူဟန်ကိုဗစ် ကာကွယ်ဆေး ပထမအကျော့ လူဦးရေရဲ့ ၈၇% ကျော်၊ ဒုအကျော့ ၆၇% ကျော် ထိုးထားပြီးတဲ့ ယူကေမှာ မနေ့က #ဝူနာ ငါးသောင်းနီးပါး တွေ့ခဲ့ပါတယ်။ စုစုပေါင်းလူနာလည်း ငါးသန်းနှစ်သိန်း ကျော်နေပြီ။ သေနှုန်းတော့ လျော့သွားတယ်။
.
အစစ ပြည့်စုံတယ်လို့ ပြောလို့ရတဲ့ ယူကေကို ဒယ်လ်တာမျိုးစိတ်က နှိပ်စက်ဟန်တူတယ်။ ဆေးထိုးပြီးသူတွေ ရောဂါဒဏ် အပြင်းအထန်မခံရလို့များလားမသိ၊ ပွဲတွေတော့ လုပ်နေတာဘဲ။ ဘောလုံးပွဲဖိုင်နယ်ကို လူခုနှစ်သောင်းလောက်လာကြည့်တာ မတ်စ်တပ်သူ နည်းတယ်။ အဲဒီကနေများ ပြန့်လားမသိ။
.
မြန်မာပြည်မှာတော့ တော်တော်ဆိုးနေတယ်။ အစိုးရကြေညာတာထက် ဆယ်ဆတော့ ပိုဝူမယ်ထင်တယ်။ ဒီရောဂါက အသက်ရှူကြပ်စေတော့ အောက်ဆီဂျင်ရှူရတယ်။ အောက်ဆီဂျင်အိုးတွေ ဖြည့်မနိုင်အဆင့်။ စစ်အစိုးရက အောက်ဆီဂျင် အပြင်စက်ရုံတွေကို ရပ်ခိုင်းသတဲ့။ တော်တော် လူမဆန်တဲ့ အပြုအမူပါဘဲ။
.
ဝူဟန်ဘေးကင်းဝေးကြပါစေ။
No comments:
Post a Comment
Thank you.