၇၅နှစ်မြောက် ပြည်ထောင်စုနေ့ စိန်ရတုသဘင် အထိမ်းအမှတ် တံဆိပ်ခေါင်းထွက်ပါတယ်။ ၂၀၀ ကျပ်တန် သုံးခေါင်းပါ။ FDC မထွက်ပါ။
.
ထုံးစံအတိုင်း ဖိုတိုရှော့ပုံနဲ့ ပစ္စလက္ခ ထုတ်တာပါ။ နှစ်ခေါင်းက လုံးဝနီးပါး ဆင်တူနေလို့ မှားကပ်မိသံ ကြားခဲ့ရတယ်။ ရောင်းသူဝန်ထမ်းတွေလည်း မှားမှာစိုးလို့ သုံးယောက်က တမျိုးစီခွဲရောင်းရတယ်။ ''ဒီနေ့ထွက်တံဆိပ်ခေါင်း တစုံပေးပါ'' ဆိုပြီး ဝယ်လို့မရဘူး။ တလုံးစီ သုံးကြိမ် ခွဲဝယ်ရတယ်။ လူမများလို့သာ တော်တော့တယ်။
.
ဆင်တူ တံဆိပ်ခေါင်း နှစ်လုံးကို သေချာကြည့်ပါ။ စာတွေထိုးထားတာ ရုံးအမိန့်စာလိုဘဲ။ နိုင်ငံနာမည်က နှစ်ဘာသာနဲ့။ ပြည်ထောင်စုနေ့ စိန်ရတုဖြစ်ကြောင်းက မြန်မာလို။ နေ့စွဲနဲ့ဖျက်တုံးကို အင်္ဂလိပ်လို လုပ်ပေးထားတော့ ပြည်ပစုသူတွေလည်း သိနိုင်လို့ တော်သေးတယ်။
.
အခုနောက်ပိုင်း ဒီဇိုင်းတွေညံ့ပေမယ် စက္ကူသား ပုံနှိပ်မှင် နောက်ဖက်ကော်နဲ့ ပါဖိုရေးရှင်း ခွေးသွားစိတ်တွေ ကောင်းလာတာတော့ အသိအမှတ် ပြုရပါမယ်။
No comments:
Post a Comment
Thank you.