ရှေးမြန်မာ ခေတ်အလိုက် ဝတ်စားဆင်ယင်ပုံ တံဆိပ်ခေါင်းစီးရီးအဖြစ် အင်းဝခေတ်ဝတ်ဆင်ပုံ တံဆိပ်ခေါင်း ယနေ့ထုတ်သည်။ FDCလည်း နှစ်မျိုးထုတ်သည်။ တံဆိပ်ခေါင်းဒေတာများကဒ် ထုတ်သည် ကြားသော်လည်း မမြင်ခဲ့ရပါ။ ဆယ်မိနစ်ခန့်အတွင်း ကုန်သွားပုံရပါသည်။
.
စီးရီးထုံးစံအတိုင်း ၂၀၀ကျပ်တန်၊ ကျား မ နှစ်ခေါင်းပါ။ ဒီဇိုင်းများမှာ ကောက်ကြောင်းများနှင့် ပန်းချီဆံဆံ။ သို့သော် ဒီတခါ ကောင်းမှုတော်ကယ်လို့ တံဆိပ်ခေါင်းနှစ်ခေါင်းကို ခွဲလို့လွယ်သည်။ စီးရီးပီသစွာ ''အင်းဝခေတ်ဝတ်စားဆင်ယင်မှု'' စကားလုံး အင်္ဂလိပ်လို မပါ။
.
နောက်ပိုင်းတိုးတက် ထုတ်လာသည့်အထဲ ပန်းချီကားလို တံဆိပ်ခေါင်းများ အတော်များခဲ့ပြီ။ စုဆောင်းသူ ဝါသနာရှင်တဦးအနေနှင့် တံဆိပ်ခေါင်းပီသသော တံဆိပ်ခေါင်းများ ထွက်လာစေချင်ပါသည်။ ဤစီးရီးအတွက် ချီးကျူးစရာကတော့ မဆလခေတ်ကတည်းက ညံ့ခဲ့သော၊ တံဆိပ်ခေါင်းတခေါင်းအတွက် အရေးအလွန်ကြီးသော၊ နောက်ဖက်ကကော် အတော်ကိုကောင်းလာတာပါ။ သုံးသူမရှိလို့ သတိမှထားမိကြပါ့မလား။
No comments:
Post a Comment
Thank you.