“တေးဂီတဧ။် တန်ခိုးစွမ်းပကား”

-->

နိုင်ဇော်ရေး “တေးဂီတဧ။် တန်ခိုးစွမ်းပကား” စာအုပ်တွင် ခင်၀မ်း အကြောင်း ပါသည်ဟု သိ၍ စာအုပ်ဆိုင်များတွင် ရှာကြည့်ပါသည်။ လှည်းတန်းရှိ ဆိုင်များတွင် သုံးကြိမ်ခန့် ရှာ သော်လည်း မရခ့ဲပါ။ ရမယ့်ရတော့လည်း အိမ်တိုင်ယာရောက် ရောက်လာခ့ဲပါသည်။

မဖတ်ရခင်က အားခဲထားသလောက် အားမရခ့ဲပါ။ ကျွန်တော်ထင်ထားသည်က လွန်ခ့ဲသော ၁၀ နှစ်ကျော်က မဟေသီမဂ္ဂဇင်းတွင် လေးဖြူအကြောင်းဖြင့် စခ့ဲသည့် တေးရေး တေးဆို ပညာသည်များ အကြောင််းဖြစ်သည်။ ထိုစဉ်က လေးဖြူ ၊ စိုင်းခမ်းလိတ် ၊ ရွှေဂျော်ဂျော် ၊ မြင့်မိုးအောင် စသည့် တေးဂီတ ဖန်တီးသူများ အကြောင်း ဖတ်၍ အလွန် ကောင်းခ့ဲပါသည်။

ယခု စာအုပ်က ထိုစာအုပ် မဟုတ်ပါ။ အခြားမဂ္ဂဇင်းများတွင် ဖေါ်ပြခ့ဲသော တေးသီချင်းစာသားများ အကြောင်း နှင့် အဆိုတော် အချို့အကြောင်းဖြစ်သည်။ ကျွန်တော်တို့ ကြိုက်နှစ်သက်ခ့ဲသော တေးသီချင်းများအပြင် ယနေ့ခေတ် ဟစ်ဟော့ ဆရာများအထိပါပါသည်။ နိုင်ဇော်က ဆရာ၀န် စာရေးဆရာဖြစ်၍ ဆရာ၀န်အဆိုတော်များ အကြောင်းပါ သီးသန့်ဆောင်းပါး တစ်ပုဒ် ပါပါသည်။

ကျွန်တော်က ခင်၀မ်း အကြောင်းဘဲ ပြောချင်ပါသည်။ တေးစာသားများ အကြောင်း ရေးထားသော ဆောင်းပါးတွင် စိုင်းထီးစိုင်ဆိုထားသော စိုင်းခမ်းလိတ်ဧ။် သီချင်းစာသားများ အကြောင်းအများဆုံး ညွှန်းထားသောလည်း ခင်၀မ်းဧ။် သီချင်းစာသားများ ကဗျာဆန်ကြောင်း သူနှစ်သက်ကြောင်း အနည်းငယ် ဖေါ်ပြထားပါသည်။ စိုင်းထီးစိုင်တို့ စာသားများမှာ လည်း ကျွန်တော်တို့ စွဲလန်းခ့ဲရသော သီချင်းစာသားများပင်။

ခင်၀မ်းအကြောင်း သီးသန့်ဆောင်းပါးတွင် ခင်၀မ်းရေးသော “စိတ္တဇပန်းချီ” စာအုပ်ကို အဆောင်ကျောင်းနေစဉ်က ခေါင်းရင်းတွင် ထားအိပ်သည်အထိ စွဲလမ်းခ့ဲကြောင်း ပြောခ့ဲသော်လည်း သီချင်းများ အကြောင်းတွင်မူ သီချင်းလေးပုဒ်ခန့်သာ စာသားများနှင့် ဖေါ်ပြခ့ဲသည်။ ခင်၀မ်း ပန်းချီထက် သီချင်းကို ပိုနှစ်သက်သော ကျွန်တော့်အတွက် အားမရခ့ဲပါ။ တေးဂီတဧ။် တန်ခိုး တစ်အုပ်လုံး ခင်၀မ်း သီချင်းများ အကြောင်းသာ ဖြစ်စေချင်သည်။

သို့သော်လည်း မဖတ်ရသည်နှင့် စာလျှင် တော်ပါသေးသည်။ ကိုယ်တိုင် သူတို့လို မရေးနိုင်၍ ရေးသူများကို ကျေးဇူးတင်ပါသည်။