မြန်မာ့လိပ်ပြာ တံဆိပ်ခေါင်းစီးရီးအတွက် ဆယ်ခေါင်းမြောက်ထွက်တယ်။ တံဆိပ်ခေါင်းတန်ဖိုး ၂၀၀ကျပ်ပါ။ FDC လည်းထွက်တယ်။ ၆၀၀ကျပ် ဖြစ်သွားပြီ။
.
ဒီနေ့ တံဆိပ်ခေါင်းအကြောင်းကဒ်ပြားတွေ ရောင်းမကုန်သေးတာတွေ့ရတယ်။ အရင်က ခဏနဲ့ကုန်လို့ ပြဿနာတက်သံကြားရတတ်တယ်။ နှစ်ခါသုံးခါလောက် ရောင်းတယ့်အထဲ မပါလာ၊ ကြိုမှာထားသူတွေနဲ့တွင် ကုန်သွားလို့ပါတဲ့။
.
လိပ်ပြာအမည်က Green Spotted Triangle ပါတဲ့။ မြန်မာလို လိပ်ပြာအမည် ရှိဟန်မတူ။ စီးရီးထုံးစံအတိုင်း နိုင်ငံအမည် မြန်မာဘာသာဖြင့် ဖော်ပြမထားပါ။
.
The Burma Fantail စာစောင်မှာ ဖော်ပြတုံးက အရောင်အထွက်ဆုံး တံဆိပ်ခေါင်းလို့ထင်မိတယ်။ အခုအပြင်မှာ အရောင်မှိန်ပါတယ်။
.
ဒီနေ့ ရန်ကုန်စာတိုက်ကြီးမှာ လူငယ်လူသစ်အချို့တွေ့တယ်။ တံဆိပ်ခေါင်းစုတဲ့လူ အသစ်တိုးမလာတာ ကြာပြီ။ မြင်နေကျ လူဟောင်းတွေဘဲ တွေ့နေရတာ။
